ព័ត៌មានអន្ដរជាតិ

ស្ងាត់ៗ ឥណ្ឌាមានអ្នកស្លាប់ដោយកូវីដជាង៥សែននាក់កាលពីថ្ងៃសុក្រ

បានផុស

៣ years មុន

នៅ

ថ្ងៃសៅរ៍ ៥ កុម្ភៈ ២០២២

ដោយ

តួលេខស្លាប់ផ្លូវការដោយកូវីដ-១៩នៅប្រទេសឥណ្ឌាជាង៥សែននាក់កាលពីថ្ងៃសុក្រ ដែលច្រើនជាងកាលពីឆ្នាំមុន ប៉ុន្តែអ្នកជំនាញជឿជាក់ថា ចំនួននេះបិទបាំងដោយការស្ទង់មតិមិនត្រឹមត្រូវ និងមិនបានកត់ត្រាពីការស្លាប់នៅតំបន់ព្រំដែនដែលមនុស្សរាប់លាននាក់នៅតែរងគ្រោះ។

ឥណ្ឌាដែលស្ថិតចំណាត់ថ្នាក់លេខ៤នៃអ្នកស្លាប់ច្រើនបំផុតទូទាំងពិភពលោកមានកំណត់ត្រាស្លាប់៤០ម៉ឺននាក់កាលពីខែកក្កដា ឆ្នាំ២០២១ បន្ទាប់ពីវីរុសបំប្លែកកាចសាហាវ Delta រាតត្បាតខ្លាំង។ នេះបើយោងតាមទិន្នន័យផ្លូវការ។ អ្នកជំនាញខ្លះជឿថា តួលេខពិតប្រាកដខ្ពស់ជាងនេះច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chinmay Tumbe ជំនួយការសាស្ត្រាចារ្យនៅវិទ្យាស្ថានគ្រប់គ្រងគ្រងឥណ្ឌាដែលជាអ្នកសហការសិក្សាស្រាវជ្រាវបាននិយាយថា ៖«ការសិក្សារបស់យើងបានចេញផ្សាយនៅក្នុងទិនានុប្បវត្តិវិទ្យាសាស្ត្រ ប៉ាន់ស្មានការស្លាប់ដោយកូវីដនៅឥណ្ឌា៣លាននាក់ចាប់ពីកណ្តាលឆ្នាំ២០២១មកដោយប្រើទិន្នន័យផ្សេងគ្នា៣»។

កាលពីខែមុន រដ្ឋាភិបាលឥណ្ឌាបានច្រានចោលចំពោះការស្រាវជ្រាវនេះដោយគ្មានមូលដ្ឋាន នៅក្នុងសេចក្តីជូនដំណឹងមួយដោយនិយាយថា មានប្រព័ន្ធដ៏រឹងមាំមួយនៃរបាយការណ៍ពីកំណើត និងការស្លាប់។

ការស្លាប់ជាប់កំណត់តត្រារដ្ឋរបស់ឥណ្ឌាពីកូវីដ-១៩ បន្ទាប់ពីប្រមូលទិន្នន័យពីខណ្ឌផ្សេងៗ។ ក្នុងរយៈពេលប៉ុន្មានខែចុងក្រោយនេះ រដ្ឋជាច្រើនបានធ្វើបច្ចុប្បន្នភាពចំពោះចំនួនអ្នកស្លាប់ អ្នកខ្លះស្ថិតក្រោមសម្ពាធពីតុលាការកំពូលរបស់ប្រទេស។ ក្នុងករណីភាគច្រើន អាជ្ញាធរនិយាយថា មានការយឹតយាវដោយសារការចុះបញ្ជី និងបញ្ហារដ្ឋបាលផ្សេងៗ។

ឥឡូវនេះ ឥណ្ឌាកំពុងស្ថិតនៅក្នុងការប្រឈមនឹងនៃរលកទី៣ដោយវីរុសបំប្លែងខ្លួនថ្មី Omicron ដែលអ្នកជំនាញជាន់ខ្ពស់មួយចំនួននិយាយថា ឆ្លងចូលសហគមន៍ហើយ ទោះជាមន្ត្រីរដ្ឋាភិបាលកណ្តាលនិយាយថា ករណីភាគច្រើនបំផុតស្រាល។

កាលពីខែមុន រដ្ឋាភិបាលបានបន្ធូរបន្ថយគោលការណ៍ធ្វើតេស្ត និងប្រាប់រដ្ឋនានាឲ្យទម្លាក់ការធ្វើតេស្តជាប្រចាំសម្រាប់អ្នកជាប់ពាក់ព័ន្ធផ្ទាល់ជាមួយអ្នកឆ្លង លុះត្រាតែពួកគេវ័យចំណាស់ ឬមានអាការខុសប្លែកពីប្រក្រតី៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩