ព័ត៌មានអន្ដរជាតិ

លោកស្រីប្រធានាធិបតីសិង្ហបុរីអបអរចិនចំពោះការបើកកីឡាអូឡាំពិកដ៏ជោគជ័យ

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

ប្រធានាធិបតីសិង្ហបុរី លោកស្រី Halimah Yacob បានជួបប្រធានាធិបតីចិន លោក ស៊ី ជីនពីង កាលពីថ្ងៃទី៦ ខែកុម្ភៈនេះនៅប្រទេសចិន និងបានធ្វើការអបអរសាទរដល់មេដឹកនាំចិនដែលបានរៀបចំពិធីបើកកីឡាអូឡាំពិករដូវរងានៅក្រុងប៉េកាំងបានជោគជ័យ។

ក្រសួងការបរទេសសិង្ហបុរីបាននិយាយថា ៖«មេដឹកនាំទាំងពីរបានបញ្ជាក់ជាថ្មីអំពីស្ថានភាពនៃទំនាក់ទំនងទ្វេភាគីដែលរក្សាបាននូវសន្ទុះវិជ្ជមានចំពេលវិបត្តិកូវីដ-១៩»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីប្រធានាធិបតី Halimah និងលោក ស៊ី ក៏បានស្វាគមន៍ចំពោះការចុះហត្ថលេខាលើអនុស្សរណៈនៃការយោគយល់ (MOU) ដែលនឹងផ្តល់ឲ្យក្របខណ្ឌមួយសម្រាប់កិច្ចសហប្រតិបត្តិការទ្វេភាគីស្តីពីការអភិក្ស និងស្រាវជ្រាវខ្លាឃ្មុំយក្ស។ អនុស្សរណៈនៃការយោគយល់គ្នាត្រូវបានចុះហត្ថលេខាធិការដោយក្រសួងពាណិជ្ជកម្ម និងឧស្សាហកម្មសិង្ហបុរី និងរដ្ឋបាលព្រៃឈើជាតិរបស់ចិន (NFGA)។

លោកស្រី Halimah និងលោក ស៊ី ក៏បានបង្ហាញពីឈ្មោះផ្ទះនិស្សិតមួយដែលត្រូវបានកសាងនៅតំបន់ Pengshui County ក្នុងទីក្រុង Chongqing ដែលជាផ្នែកមួយនៃគម្រោងសប្បុរសធម៌ចាប់ផ្តើមឡើងដោយសហគមន៍សិង្ហបុរីនៅប្រទេសចិន។ ផ្ទះនិស្សិតក៏ជាផ្នែកមួយនៃការរំលឹកខួបលើកទី៣០នៃទំនាក់ទំនងការទូតសិង្ហបុរី-ចិនកាលពីឆ្នាំ២០២០។

ផ្ទះនិស្សិតឈ្មោះ Zhixinlou មានកម្ពស់៤ជាន់ដែលអាចឲ្យនិស្សិតជាង១០០នាក់ស្នាក់នៅ និងផ្តល់ឲ្យនិស្សិតជួបការលំបាកសម្រាប់បន្តការសិក្សា។

ក្រសួងការបរទេសសិង្ហបុរីថា ៖«លោកស្រីប្រធានាធិបតី និងលោក ស៊ី បានឯកភាពគ្នាថា ប្រទេសទាំងពីរនឹងធ្វើការរួមគ្នាជិតស្និទ្ធទៀតដើម្បីពង្រឹងទំនាក់ទំនាក់ទ្វេភាគីឲ្យកាន់តែប្រសើរឡើង»។ កាលពីថ្ងៃសៅរ៍ លោកស្រី Halimah ក៏បានជួបលោកនាយកនាយករដ្ឋមន្ត្រីចិន Li Keqiang ដែរ។

សូមបញ្ជាក់ថា លោកប្រធានាធិបតីចិន ស៊ី បានជួបមេដឹកនាំពិភពលោកជាច្រើនមានដូចជា មេដឹកនាំរុស្ស៊ី ស៊ែប៊ី អេហ្ស៊ីប កាហ្សាក់ស្ថាន អ៊ូសបេគីស្ថាន និងតូមិននីស្ថានជាដើម ដែលមានវត្តមាននៅប្រទេសចិនដើម្បីចូលរួមពិធីបើកកីឡាអូឡាំពិករដូវរងានៅទីក្រុងប៉េកាំង៕

ប្រែសម្រួល៖ វីរបុត្រ
ប្រភព៖ CNA