ព័ត៌មានអន្ដរជាតិ

ថៃ ប្រើឆ្កែហិតក្លិនសាច់ជ្រូក ការពារការរត់ពន្ធសាច់ពី ឡាវ

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

មន្ត្រីគយក្នុងប្រទេសថៃបានបង្វឹកសត្វឆ្កែឲ្យហិតសាច់ជ្រូកដើម្បីការពារសាច់ពីការរត់ពន្ធឆ្លងព្រំដែនពីប្រទេសឡាវ ។ សត្វឆ្កែហិតក្លិនត្រូវបានគេដាក់ពង្រាយនៅច្រកព្រំដែនមួយក្នុងស្រុក Sirindohorn នៃខេត្ត Ubon Ratchathani ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសថៃកំពុងប្រឈមនឹងការខ្វះខាតសាច់ជ្រូក បន្ទាប់ពីរលកនៃជំងឺប៉េស្តជ្រូកអាហ្វ្រិក (ASF) កំពុងរាលដាលពេញប្រទេស ។ ជំងឺនេះបានឆ្លងជ្រូកពាសពេញ ១៣ ខេត្តក្រុង ដោយកសិករត្រូវបង្ខំចិត្តសម្លាប់ និងកប់សាកសពជ្រូកដើម្បីការពារការរីករាលដាលនៃជំងឺ ។

ក្រុមហ៊ុនថៃបានចាប់ផ្តើមស្តុកសាច់ជ្រូក ខណៈសាច់ជ្រូកប្រមាណ ២០ តោនត្រូវបានគេរកឃើញលួចរត់ពន្ធទៅប្រទេសថៃពីខេត្ត Savannakhet ប្រទេសឡាវកាលពីខែមុន ។ សាច់ជ្រូករត់ពន្ធមានតម្លៃជាង ៤ លានបាត (១២ ម៉ឺនដុល្លារអាមេរិក) ប៉ុន្តែត្រូវអាជ្ញាធរកម្ទេចចោល ។

តម្លៃសាច់ជ្រូកក្នុងប្រទេសថៃបានហក់ឡើងយ៉ាងខ្លាំង ដោយអ្នកប្រើប្រាស់ក្នុងប្រទេសថៃបានងាកមករកសាច់ក្រពើជំនួសវិញ ។ បច្ចុប្បន្នកសិដ្ឋានចិញ្ចឹមក្រពើកំពុងរកលុយបានក្នុងវិបត្តិសាច់ជ្រូក ជាមួយនឹងការកើនឡើងនៃតម្រូវការក្នុងស្រុក ។

ជាមួយគ្នានេះ អាជ្ញាធរប្រទេសឡាវបានចេញសេចក្តីថ្លែងការណ៍ស្តីពីការកើនឡើងតម្លៃសាច់ជ្រូកនៅក្នុងទីក្រុងវៀងចន្ទន៍ ដោយនិយាយថា ការផ្គត់ផ្គង់មិនគ្រប់គ្រាន់នៅក្នុងប្រទេសជិតខាងបានចាប់ផ្តើមប៉ះពាល់ដល់ប្រទេសឡាវ ៕