ប្រារព្ធខួបម្សិលមិញ ម្ចាស់ក្សត្រី Elizabeth ជាប់តំណែងមួយមិនធ្លាប់មានក្នុងប្រវត្តិសាស្ត្រអង់គ្លេស

កាលពីថ្ងៃអាទិត្យ ទី០៦ ខែកុម្ភៈ ម្សិលមិញនេះ ម្ចាស់ក្សត្រី Elizabeth II បានប្រារព្ធខួបលើកទី ៧០ នៃការឡើងគ្រងរាជ្យសម្បត្តិ ដែលនេះបាននាំឱ្យរបស់ទ្រង់ក្លាយជាអធិរាជស្រីសោយរាជ្យយូរជាងគេក្នុងប្រវត្តិសាស្ត្រចក្រភពអង់គ្លេស។

ម្ចាស់ក្សត្រី Elizabeth ទី២ បានបង្កើតប្រវត្តិសាស្ត្រលើកដំបូងជាស្តេចដែលសោយរាជ្យយូរបំផុតរបស់ចក្រភពអង់គ្លេស ខណៈឆ្នាំ ២០២២នេះ ការគ្រងរាជសម្បត្តិរបស់ទ្រង់មានរយៈពេល ៧០ឆ្នាំមកហើយ។

ត្រឡប់ទៅឆ្នាំ ១៩៥២ ស្តេច ចច ទី៦ (George VI) បានសោយទិវង្គតនៅវិមាន Sandringham ក្នុងទីក្រុង Norfolk ហើយពេលនោះឯងដែលព្រះនាង Elizabeth Alexandra Mary Windsor  ឬម្ចាស់ក្សត្រី Elizabeth ជាបុត្រីច្បងមានព្រះជន្ម ២៥វស្សា បានប្រឈមមុខនឹងព្រឹត្តិការណ៍ដ៏សំខាន់នៅក្នុងប្រវត្តិសាស្ត្រ ឡើងគ្រងរាជ្យជារាជិនីរបស់អង់គ្លេស។

ថ្វីត្បិតក្សត្រអង្គនេះ ​ជាមនុស្សស្រី ប៉ុន្តែមកទល់នឹងបច្ចុប្បន្ន ប្រទេសអង់គ្លេសដែលស្ថិតក្រោមការគ្រប់គ្រងរបស់ទ្រង់ អាចដើរទៅមុខដោយភាពរុងរឿង ដូចទៅនឹងរជ្ជកាលមុនៗដែរ។ ទោះបីទ្រង់គ្រងបល្ល័ង្កក្នុងព្រះជន្មក្មេងខ្ចីតែអង្គឯងពិតមែន ប៉ុន្តែទ្រង់មានព្រះទ័យរឹងមាំ ហើយ​ត្រៀម​ព្រះកាយជានិច្ចដើម្បី​ទទួលដោះស្រាយ​ភារកិច្ចគ្រប់យ៉ាង។ ​មិន​ថាមាន​បដិវត្តន៍​​រាជវង្ស​ឱ្យ​កាន់​តែ​ទំនើបយ៉ាងណាក៏ដោយ មហាក្សត្រី Elizabeth អាចសម្រប​ទៅ​តាម​សម័យកាល ប្រឈមនឹងផ្លាស់ប្តូរជាច្រើនដង រួមទាំងអាចការពារផលប្រយោជន៍ប្រទេសឱ្យមានភាពរីកចម្រើន៕

ប្រែសម្រួល៖ សន្យា

ចុចអាន៖ សួយសារអាករ​អ្វី​ដែលព្រះ​មហាក្សត្រី ELIZABETH មាន​សិទ្ធ​ទទួល​យក​ពី​ប្រទេស​ផ្សេង?

ចុចអាន៖ ​ទម្លាប់​មួយ​ដែល​ក្សត្រី Elizabeth បាន​បង្ខំ​ឲ្យ​ព្រះអង្គ Philip ដាច់ខាត​ត្រូវ​តែ​ឈប់