ព័ត៌មានអន្ដរជាតិ

វៀតណាម បានដឹកពលរដ្ឋខ្លួនចេញពី កម្ពុជា និងប្រទេសផ្សេងទៀត ជាង ២ ពាន់នាក់ហើយ

បានផុស

៣ years មុន

នៅ

ថ្ងៃពុធ ៩ កុម្ភៈ ២០២២

ដោយ

ក្រសួងដឹកជញ្ជូនវៀតណាមបាននិយាយថា ក្រុមហ៊ុនអាកាសចរណ៍បរទេសបានដំណើរការជើងហោះហើរទៀងទាត់ និងមិនទៀងទាត់ចំនួន ៣៦ និងបានដឹកពលរដ្ឋវៀតណាមចំនួន ២,០៥៥ នាក់ចេញពីប្រទេសកម្ពុជា ជប៉ុន សិង្ហបុរី តៃវ៉ាន់ ថៃ តួកគី និងអារ៉ាប់រួម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដឹកជញ្ជូននេះកើតឡើង នៅពេលដែលរដ្ឋាភិបាលបានអនុម័តសំណើរបស់ក្រសួងការបរទេសក្នុងការរៀបចំជើងហោះហើរដឹកជញ្ជូនជនជាតិវៀតណាមដែលប្រឈមមុខនឹងស្ថានភាពលំបាកនៅបរទេស និងមិនអាចត្រឡប់មកវិញតាមជើងហោះហើរពាណិជ្ជកម្ម ។

យោងតាមក្រសួងបានឲ្យដឹងថា រហូតមកដល់ពេលនេះជនជាតិវៀតណាមជាច្រើននៅតែជាប់គាំង ជាពិសេសនៅមជ្ឈិមបូព៌ា និងអាហ្រ្វិក ក្នុងនោះមាន ២០០ នាក់នៅអារ៉ាប៊ីសាអូឌីត, ១៥០ នាក់នៅអង់ហ្គោឡា និង ៨៥ នាក់នៅអារ៉ាប់រួម ។

គួរបញ្ជាក់ថា កាលពីថ្ងៃទី ១ ខែមករា ប្រទេសវៀតណាមបានអនុញ្ញាតឲ្យជើងហោះហើរទៀងទាត់ទាំងមកពី និងទៅកាន់សហរដ្ឋអាមេរិក និងគោលដៅនៅតំបន់អាស៊ីចំនួន ៨ ចាប់ផ្តើមឡើងវិញក្នុងដំណាក់កាលដំបូងនៃកម្មវិធីស្តារការធ្វើដំណើរអន្តរជាតិឡើងវិញ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ ប្រធានាធិបតីវៀតណាម ង្វៀន សួនហ្វុក ចួលរួមពិធីច្រត់នង្គ័ល