ព័ត៌មានអន្ដរជាតិ

ប្រជាជន វៀតណាម សម្រុកទៅទិញមាស ក្រោយចូលឆ្នាំហើយ

បានផុស

៣ years មុន

នៅ

ថ្ងៃព្រហស្បតិ៍ ១០ កុម្ភៈ ២០២២

ដោយ

តាមទំនៀមទម្លាប់របស់ជនជាតិវៀតណាមនៅថ្ងៃទី ១០ តាមច័ន្ទគតិគឺជាថ្ងៃដែលព្រះនៃទ្រព្យសម្បត្តិ (God of Wealth) ត្រឡប់ទៅឋានសួគ៌វិញ ហើយអ្នកស្វែងរកសំណាងជាច្រើនបានញាប់ដៃញាប់ជើងសម្រុកទៅទិញមាស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការសង្កេតរបស់អ្នកយកព័ត៌មានកាសែត Tuoi Tre បានឲ្យដឹងថា ហាងមាសនៅទីក្រុងហូជីមិញត្រូវបានប្រមូលផ្តុំដោយអតិថិជនកាលពីព្រឹកថ្ងៃពុធ ។ ដោយសារឆ្នាំនេះជាឆ្នាំខ្លា អតិថិជនភាគច្រើនជាគូស្នេហ៍វ័យក្មេងចង់ទិញរូបចម្លាក់សត្វ និងគ្រឿងអលង្ការ ដើម្បីទទួលបានជោគជ័យផ្នែកហិរញ្ញវត្ថុ ។

គូស្នេហ៍មួយគូឈ្មោះ Hong Hoa និង Thai Khang ដែលអ្នកទាំងពីរនាក់អាយុ ២៨ ឆ្នាំបាននិយាយថា ពួកគេបានសម្រេចចិត្តទៅហាងមាសក្នុងទីក្រុងហូជីមិញទាំងព្រឹកព្រលឹម ហើយជ្រើសរើសរូបខ្លាពណ៌មាសដែលទាក់ទាញភ្នែករបស់ពួកគេ ។

ពួកគេបាននិយាយទៀតថា ការសម្រេចចិត្តទៅហាងមាសទាំងព្រឹកព្រលឹមនេះ គឺដើម្បីជៀសវាងហ្វូងមនុស្សច្រើន និងរំពឹងថាតម្លៃនឹងឡើងថ្លៃ ប្រសិនបើគាត់ទិញមាសនៅថ្ងៃធម្មតា ។

កាលពីថ្ងៃពុធ តម្លៃមាសបានធ្លាក់ចុះមកកម្រិតទាបពោលត្រឹម ១,៨១៦ ដុល្លារក្នុងមួយអោននៅលើទីផ្សារពិភពលោក ហើយស្មើនឹង ៥០ លានដុងក្នុងទម្ងន់ ៣៧.៥ ក្រាម នៅពេលបិទការជួញដូរ ។

ទន្ទឹមនោះ ក្រុមហ៊ុន Saigon Jewelry Company (SJC) ដែលជាក្រុមហ៊ុនផលិតមាសឈានមុខគេរបស់វៀតណាម បាននឹងកំពុងទិញ និងលក់ក្នុងតម្លៃ ៦១.៩ លានដុង (២,៧២៤ ដុល្លារ) និង ៦២.៦ លានដុង (២,៧៥៥ ដុល្លារ) ក្នុងទម្ងន់ ៣៧.៥ ក្រាម ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ វៀតណាម បានដឹកពលរដ្ឋខ្លួនចេញពី កម្ពុជា និងប្រទេសផ្សេងទៀត ជាង ២ ពាន់នាក់ហើយ

ចុចអាន ៖ កុំឲ្យឆ្ងល់ នេះប្រាក់ឈ្នួលកម្មករប្រទេសនៅ អាស៊ាន