រឿងមួយគ្រប់គ្នាមិននឹកស្មានដល់ក្នុងជំនួបរវាង Putin និង Macron

សារព័ត៌មាន Reuters បានរាយការណ៍ថា ប្រធានាធិបតីបារាំង Emmanuel Macron បានបដិសេធមិនធ្វើតេស្តរកកូវីដ បន្ទាប់ពីបានទៅដល់ទីក្រុងមូស្គូដើម្បីជួបជាមួយប្រធានាធិបតីរុស្ស៊ីលោក Vladimir Putin ។

ការចេញផ្សាយនោះបានកត់សម្គាល់ថា ប្រធានាធិបតីបារាំងត្រូវបានផ្តល់ជូនជម្រើស ២ ទីមួយគឺត្រូវធ្វើតេស្តរកកូវីដតាមម៉ាស៊ីនធំ PCR ដើម្បីចូលទៅជិតលោក Putin ។ ទី ២ គឺមិនតេស្ត ប៉ុន្តែត្រូវនៅឆ្ងាយពីលោក Putin តាមរយៈការរក្សាគម្លាតសង្គម ។

ក្រោយមកលោក Macron បានជ្រើសរើសយកពិធីចុងក្រោយគឺមិនធ្វើតេស្តរកកូវីដ ដោយឡើងលើកពីការព្រួយបារម្ភថា គ្រូពេទ្យរុស្ស៊ីអាចយកសំណាក DNA របស់លោក ។

ប្រភពមួយបាននិយាយដោយដកស្រង់ប្រភពពី Reuters ថា “យើងដឹងយ៉ាងច្បាស់ថា គ្មានការចាប់ដៃគ្នាក្នុងការចរចានោះទេ ហើយនៅទីបំផុតការចរចាបានធ្វើឡើងនៅតុប្រវែង ៤ ម៉ែត្រ ដែលជំរុញឲ្យមានការរំពឹងទុកថា វាអាចជាសញ្ញានៃទំនាក់ទំនងត្រជាក់រវាងរុស្ស៊ី និងលោកខាងលិច ។

គួររម្លឹកថា កិច្ចពិភាក្សារវាងលោក Putin និងលោក Macron បានធ្វើឡើងនៅទីក្រុងមូស្គូកាលពីថ្ងៃទី ៧ ខែកុម្ភៈ ។ ក្នុង​ជំនួប​នោះ ប្រធានាធិបតី​បាន​ពិភាក្សា​អំពី​ស្ថានភាព​នៅ​អ៊ុយក្រែន និង​ការ​ធានា​សន្តិសុខ​របស់​រុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចូ បៃដិន៖ ពេលដែលអាមេរិក និងរុស្ស៊ីបាញ់គ្នា នោះគឺសង្គ្រាមលោក