ព័ត៌មានអន្ដរជាតិ
អាមេរិក ពង្រាយនាវាពិឃាតច្រើនគ្រឿងទៅគាំទ្រសម្ព័ន្ធមិត្ត ណាតូ
កងទ័ពជើងទឹកអាមេរិកបានប្រកាសកាលពីថ្ងៃសុក្រថា សហរដ្ឋអាមេរិកបានដាក់ពង្រាយនាវាពិឃាតកងទ័ពជើងទឹកចំនួន ៤ គ្រឿងដើម្បីជួយគាំទ្រសម្ព័ន្ធមិត្តណាតូនៅក្នុងតំបន់នៃប្រតិបត្តិការកងនាវាចរទី ៦ ចំពេលមានភាពតានតឹងកាន់តែខ្លាំងឡើងរវាងអ៊ុយក្រែន និងរុស្ស៊ី ។

អ្នកនាំពាក្យកងទ័ពជើងទឹកលោក Arlo Abrahamson បាននិយាយនៅក្នុងសេចក្តីថ្លែងការណ៍មួយថា “នាវាពិឃាតរបស់កងទ័ពជើងទឹកសហរដ្ឋអាមេរិកចំនួន ៤ គ្រឿងដូចជា USS The Sullivan (DDG 68), USS Gonzalez (DDG 66), USS Donald Cook (DDG 75) និងនាវា USS Mitscher (DDG 57) កំពុងប្រតិបត្តិការនៅក្នុងតំបន់អឺរ៉ុប” ។
លោកបានបន្ថែមថា “ការដាក់ពង្រាយរបស់ពួកគេក៏នឹងចូលរួមក្នុងសកម្មភាពដែនសមុទ្រជាច្រើន ដើម្បីគាំទ្រដល់កងនាវាទី ៦ របស់សហរដ្ឋអាមេរិក និងសម្ព័ន្ធមិត្តណាតូរបស់យើង ។ ទោះជាយ៉ាងណាក៏ដោយ កងទ័ពជើងទឹកបានគូសបញ្ជាក់ថា ការដាក់ពង្រាយនេះមិនឆ្លើយតបទៅនឹងសកម្មភាពណាមួយ ឬសកម្មភាពរំពឹងទុករបស់រុស្ស៊ីនោះទេ” ។

អ៊ុយក្រែនបានញាំញីដោយជម្លោះក្នុងតំបន់ភាគខាងកើតរបស់ខ្លួនតាំងពីខែមីនា ឆ្នាំ២០១៤ បន្ទាប់ពីសកម្មភាពយោធារបស់រុស្ស៊ី និងការបញ្ចូលតំបន់គ្រីមៀ ។
ទីក្រុងមូស្គូនាពេលថ្មីៗនេះបានប្រមូលកងទ័ពជាង ១០ ម៉ឺននាក់នៅជិតប្រទេសអ៊ុយក្រែន ដែលបង្កឲ្យមានការភ័យខ្លាចថា វិមានក្រឹមឡាំងអាចនឹងរៀបចំផែនការវាយលុកយោធាមួយផ្សេងទៀតប្រឆាំងនឹងអតីតអ្នកជិតខាងរបស់សូវៀតមួយនេះ ។

ទន្ទឹមនោះ រុស្ស៊ីក៏បានចេញមកបដិសេធដែលថា ខ្លួនកំពុងរៀបចំខ្លួនដើម្បីធ្វើសកម្មភាពយោធា និងចោទប្រកាន់ប្រទេសលោកខាងលិចថាបានធ្វើឲ្យខូចសន្តិសុខរបស់ខ្លួនដោយការពង្រីករបស់ណាតូទៅកាន់ព្រំដែនរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រឿងមួយគ្រប់គ្នាមិននឹកស្មានដល់ក្នុងជំនួបរវាង Putin និង Macron

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ