ព័ត៌មានអន្ដរជាតិ

វ៉ាក់សាំង Pfizer សិក្សាលទ្ធភាពចាក់កុមារអាយុ ៦ ខែដល់ ៤ ឆ្នាំ

បានផុស

៣ years មុន

នៅ

ថ្ងៃអាទិត្យ ១៣ កុម្ភៈ ២០២២

ដោយ

ក្រុមហ៊ុនឱសថដ៏ធំរបស់អាមេរិក Pfizer បានប្រកាសថា ខ្លួនកំពុងពន្យារពេលកម្មវិធីរបស់ខ្លួន ជាមួយរដ្ឋបាលចំណីអាហារ និងឱសថអាមេរិក ដើម្បីពង្រីកការប្រើប្រាស់ជាបន្ទាន់ នៃវ៉ាក់សាំងការពារមេរោគ Pfizer-BioNTech សម្រាប់កុមារដែលមានអាយុពី ៦ ខែដល់ ៤ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការធ្វើសេចក្តីប្រកាស កាលពីថ្ងៃសុក្រ លោក Pfizer បាននិយាយថា ក្រុមហ៊ុននឹងរង់ចាំរហូតដល់ទិន្នន័យទទួលបានពីការសិក្សាគ្លីនិក ដែលកំពុងដំណើរការលើប្រសិទ្ធភាព នៃវ៉ាក់សាំងលើកទីបីសម្រាប់កុមារក្នុងក្រុមអាយុ។

កាលពីដើមខែនេះ ក្រុមហ៊ុន Pfizer បានចាប់ផ្តើមនីតិវិធីដើម្បីស្នើសុំការពង្រីកការប្រើប្រាស់វ៉ាក់សាំងសង្គ្រោះបន្ទាន់សម្រាប់កុមារអាយុក្រោម ៥ ឆ្នាំ។ FDA បាននិយាយថា ខ្លួននឹងចាប់ផ្តើមការវាយតម្លៃនៃការចាក់ថ្នាំពីរដូស សម្រាប់កុមារទាំងនោះ។

ក្រុមហ៊ុន Pfizer បានប្រកាសកាលពីខែធ្នូថា ទិន្នន័យបឋមបានបង្ហាញថា ការឆ្លើយតបនៃប្រព័ន្ធភាពស៊ាំបង្កើតបានមួយខែ បន្ទាប់ពីការចាក់លើកទីពីរលើកុមារអាយុពី២ ទៅ ៤ ឆ្នាំ គឺទាបជាងការឆ្លើយតបចំពោះមនុស្សពេញវ័យ។ ក្រុមហ៊ុនបានបន្តការពិនិត្យ លើប្រសិទ្ធភាពនៃការចាក់លើកទីបី។

ចំពេលមានការរីករាលដាលពី Omicron សហរដ្ឋអាមេរិក បានឃើញការកើនឡើងនូវករណីដែលកុមារតូចៗ មិនមានសិទ្ធិទទួលថ្នាំបង្ការ បានវិវត្តទៅជារោគសញ្ញាធ្ងន់ធ្ងរបន្ទាប់ពីឆ្លងមេរោគ។

អ្នកជំនាញខ្លះនិយាយថា កម្មវិធីចាក់វ៉ាក់សាំង គួរតែត្រូវបានពង្រីកយ៉ាងឆាប់រហ័ស ដើម្បីគ្របដណ្តប់លើកុមារតូចៗ។ ប៉ុន្តែអ្នកខ្លះទៀតនិយាយថា អាជ្ញាធរកំពុងប្រញាប់ប្រញាល់ខ្លាំងពេក ក្នុងការខិតខំរបស់ពួកគេដើម្បីអនុម័តការពង្រីកនេះ។

អ្នកជំនាញខាង FDA បាននិយាយថា វាសមហេតុផលក្នុងការរង់ចាំទិន្នន័យសុវត្ថិភាព និងប្រសិទ្ធភាពលើថ្នាំទាំង ៣ ដែលត្រូវមាន មុនពេលធ្វើការសម្រេចចិត្ត៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖នៅ ថៃ វ៉ាក់សាំង Pfizer មួយដបអាចចាក់ដល់កុមារ ១០ នាក់

Related Topics:កុមារ