ព័ត៌មានអន្ដរជាតិ

ក្រុមចោរប្លន់បាញ់ទម្លុះកញ្ចក់ ស្លាប់ភ្ញៀវម្នាក់ និងរបួសម្ចាស់ហាងធ្ងន់ធ្ងរនៅ ថៃ (មានវីដេអូ)

បានផុស

៣ years មុន

នៅ

ថ្ងៃអាទិត្យ ១៣ កុម្ភៈ ២០២២

ដោយ

អតិថិជនម្នាក់បានស្លាប់ និងរងរបួសម្ចាស់ហាងធ្ងន់ធ្ងរ ខណៈចោរ ៣ នាក់ ប្រដាប់ដោយអាវុធ ចូលប្លន់ហាងមាសមួយកន្លែងក្នុងស្រុក Phop Phra ខេត្ត Tak ភាគខាងជើងប្រទេសថៃ កាលពីថ្ងៃសៅរ៍ ដោយយកមាសតម្លៃយ៉ាងតិច ២,៩ លានបាតទៅជាមួយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមចោរបានធ្វើសកម្មភាព វាយបំបែកទ្វារកញ្ចក់ហាងដោយញញួរ។ បន្ទាប់មក ពួកគេបានវាយកម្ទេចកន្លែងតាំងបង្ហាញមាស។ នៅក្នុងហេតុការណ៍នោះ ម្ចាស់ហាងម្នាក់បានរងរបួសធ្ងន់ ដោយសារការកាប់កញ្ចក់ ដែលបែក ធ្លាក់បែកខ្ចាយលើ។ ចំណែកអតិថិជនជាបុរសម្នាក់ អាយុ ៣០ឆ្នាំ បានស្លាប់ បន្ទាប់ពីបញ្ជូនទៅមន្ទីរពេទ្យភ្លាមៗ។

ការប្លន់នេះ ត្រូវបានថតជាប់ដោយកាមេរ៉ាសុវត្ថិភាព ហើយបង្ហាញថា ចោរទាំង៣ជិះរថយន្តភីកអាប់ និងបានចតនៅពីមុខហាង។ ប្រព័ន្ធផ្សព្វផ្សាយថៃបានរាយការណ៍ថា ពួកគេពាក់អាវដៃវែង និងមួកសុវត្ថិភាពខ្លបមុខជិត មើលមិនស្គាល់ រួចប្រើកំភ្លើងបាញ់ចូលមកហាងតែម្ដង។

ពេលនោះម្ចាស់ទាំង២នាក់ កំពុងលក់គ្រឿងអលង្ការឲ្យអតិថិជន៣នាក់ ។ ស្នូរកាំភ្លើងបានបាញ់ទៅលើអតិថិជនម្នាក់ បណ្ដាលឲ្យគាត់ដួល។ ពេលនោះ ចោរប្លន់ម្នាក់បានប្រើញញួរវាយបំបែកទ្វារកញ្ចក់ ហើយជនប្រដាប់អាវុធទាំងបីនាក់បានចូលទៅក្នុងហាង។ ពួកគេវាយកម្ទេចទូដាក់តាំងលក់មាស ច្រកចូលក្នុងកាបូប រួចរត់គេចខ្លួនបាត់ ។

ប៉ូលិសបាននិយាយថា មាសទម្ងន់ជាង ១០០ បាត (១.៥ គីឡូក្រាម) ដែលមានតម្លៃប្រហែល ២.៩ លានបាតក្នុងតម្លៃលក់បច្ចុប្បន្នត្រូវបានលួច។ យ៉ាងណាមិញ ពេលនេះប៉ូលិសនៅក្នុងប្រទេសថៃ កំពុងតាមប្រមាញ់ក្រុមចោរនៅខេត្តTakយកមកផ្ដន្ទាទោស។

គួរបញ្ជាក់ដែរថា កាលពីខែវិច្ឆិកាឆ្នាំ ២០២១ ចោរប្លន់ហាងមាសនៅភាគឦសានប្រទេសថៃ បានគំរាមបុគ្គលិកដោយញញួរ និងលួចរបស់របរមានតម្លៃប្រហែលមួយលានបាត។ ហើយកាលពីខែកញ្ញា យុវជនម្នាក់បានចូលប្លន់ហាងមាសនៅខេត្ត Nonthaburi ហើយបានគំរាមអ្នកគ្រប់គ្រងដោយកាំបិត៕

សូមទស្សនាវីដេអូនៃសកម្មភាពប្លន់