ព័ត៌មានអន្ដរជាតិ

មិនមែនខ្សែភាពយន្ត! វីដេអូពិតៗ ពស់ វារក្នុងយន្តហោះរបស់ក្រុមហ៊ុន AirAsia

បានផុស

៣ years មុន

នៅ

ថ្ងៃអង្គារ ១៥ កុម្ភៈ ២០២២

ដោយ

ធ្លាប់តែឃើញក្នុងខ្សែភាពយន្ត តែនេះជារឿងពិត! អ្នកដំណើរក្នុងយន្តហោះរបស់ក្រុមហ៊ុន AirAsia បានថតវីដេអូ បង្ហាញសត្វពស់វារនៅខាងក្នុងថតដាក់អីវ៉ាន់ ដែលជាហេតុជំរុញឲ្យយន្តហោះ ចុះចតជាបន្ទាន់។

ហេតុការណ៍នេះ បានកើតឡើងនៅលើជើងហោះហើរចេញពីរាជធានី គួឡាឡាំពួ ប្រទេសម៉ាឡេស៊ី ឆ្ពោះទៅកាន់ទីក្រុង តាវ៉ូ (Tawau) កាលពីថ្ងៃទី១០ខែកុម្ភៈ។

The incident took place on board an AirAsia flight from the Malaysian capital Kuala Lumpur headed for the city of Tawau earlier this week (February 10)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងហោះហើរនេះ ត្រូវបានបង្វែរយ៉ាងលឿនទៅកាន់ទីក្រុង គុឈីង (Kuching) វិញ បន្ទាប់ពីសត្វពស់ត្រូវបានប្រទះឃើញ។

នៅពេលដែលអ្នកបើកយន្តហោះបានធ្វើការចុះចតជាបន្ទាន់ អ្នកដំណើរត្រូវបានផ្ទេរដោយសុវត្ថិភាពទៅកាន់ជើងហោះហើរមួយទៀត ហើយបន្តដំណើរទៅកាន់ទីក្រុង តាវ៉ូ។

លោក Liong Tien Ling មន្ត្រីសុវត្ថិភាពរបស់ក្រុមហ៊ុន AirAsia បាននិយាយថា “នេះជាឧប្បត្តិហេតុដ៏កម្រមួយ ដែលអាចកើតឡើងលើយន្តហោះណាមួយគ្រប់ពេលវេលា”។

Footage posted on TikTok shows the silhouette of the snake travelling along a lit overhead compartment near the passenger reading light.

លោកបន្ថែមថា “សុវត្ថិភាព និងសុខុមាលភាពរបស់ភ្ញៀវ និងអាកាយានិករបស់យើង តែងតែជាអាទិភាពចម្បងរបស់យើង។ គ្មានពេលណាមួយដែលសុវត្ថិភាពរបស់ភ្ញៀវ ឬអាកាយានិក មានហានិភ័យឡើយ”។

ទោះបីជាយ៉ាងណាក៏ដោយ គេមិនច្បាស់ទេថា តើសត្វពស់មួយក្បាលនេះ ឡើងលើយន្តហោះដោយរបៀបណា ឬថាតើវាជាសត្វចិញ្ចឹមរបស់អ្នកដំណើរណាម្នាក់មែនឬមិនមែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពណ៌ពស់ក្នុងសុបិន បញ្ជាក់ពីរឿងអាក្រក់ និងល្អក្នុងជីវិត ត្រូវប្រុងប្រយ័ត្នខ្លាំង