វីរុសបំប្លែងខ្លួនថ្មី អាចគ្រោះថ្នាក់ជាង ដែលតា ទៅទៀត

វីរុសកូវីដ១៩បំប្លែងខ្លួននាពេលអនាគត អាចកាន់តែគ្រោះថ្នាក់ និងមានផលវិបាកក្នុងរយៈពេលកាន់តែវែង ខណៈក្រុមអ្នកជំនាញព្រមានថា វីរុសទាំងនោះមានផលប៉ះពាល់ធំជាង ដែលតា ទៅទៀត។

សាស្ត្រាចារ្យ Lawrence Young អ្នកជំនាញខាងមេរោគមកពីសាកលវិទ្យាល័យ Warwick បានប្រាប់គេហទំព័រ The Observer ថា “ការគិតដែលថា វីរុសបំប្លែងខ្លួននានា នឹងបន្តមានសភាពស្រាលជាងនេះគឺខុសហើយ”។

ទ្រឹស្ដីដែលថា វីរុសបំប្លែងខ្លួននឹងកាន់តែស្រាល ត្រូវបានលើកឡើងយ៉ាងទូលំទូលាយចាប់តាំងពី អូមីក្រុង បានមកជំនួស ដែលតា ក្នុងនាមជាវីរុសកូវីដបំប្លែងថ្មីលេចធ្លោខ្លាំងក្នុងរដូវរងានេះ។

ប៉ុន្តែសាស្រ្តាចារ្យ Young បានអះអាងថា “វីរុសបំប្លែងខ្លួនថ្មី អាចសាហាវជាង ដែលតា ទៅទៀត”។

ស្របពេលជាមួយគ្នានោះ លោក David Nabarro បេសកជនពិសេសរបស់អង្គការសុខភាពពិភពលោកទទួលបន្ទុកផ្នែកមេរោគ បាននិយាយថា “នឹងមានវីរុសកូវីដបំប្លែងខ្លួនបន្ថែមទៀតបន្ទាប់ពី អូមីក្រុង ហើយប្រសិនបើពួកគេអាចឆ្លងកាន់តែខ្លាំង ពួកគេនឹងគ្របដណ្តប់”។

លើសពីនេះ ពួកវាអាចបណ្តាលឲ្យមានទម្រង់ជំងឺផ្សេងៗគ្នា ម្យ៉ាងទៀត ពួកគេអាចនឹងកាន់តែសាហាវ ឬមានផលវិបាករយៈពេលវែងជាង៕

ប្រែសម្រួល៖ Vann Vann

ប្រភព៖ Sky

ចុចអាន៖ អូមីក្រុង ពួតដៃ ដែលតា បង្កើតវីរុសកូនកាត់ ចេញមកអុកឡុកទៀតហើយ