ព័ត៌មានអន្ដរជាតិ
ភាពតានតឹង រុស្ស៊ី-អ៊ុយក្រែន ធ្វើឲ្យតម្លៃប្រេងពិភពលោកឡើងដល់កម្រិត ខ្ពស់បំផុតមិនធ្លាប់មាន
កាលពីថ្ងៃចន្ទតម្លៃប្រេងបានកើនឡើងដល់កម្រិតខ្ពស់បំផុតមិនធ្លាប់មានក្នុងរយៈពេលជាង ៧ ឆ្នាំ ដោយសារតែការភ័យខ្លាចសកម្មភាពយោធារបស់រុស្ស៊ីលើអ៊ុយក្រែនអាចបង្កឲ្យមានការដាក់ទណ្ឌកម្មពីសហរដ្ឋអាមេរិក និងអឺរ៉ុប និងរំខានដល់ការនាំចេញថាមពលពីប្រទេសផលិតកំពូលរបស់ពិភពលោក ។

ប្រេងឆៅរបស់ក្រុមហ៊ុន Brent មានតម្លៃ ៩៥.៧៣ ដុល្លារក្នុងមួយបារ៉ែល ពោលកើនឡើង ១.២៩ ដុល្លារ ឬ ១.៤ ភាគរយ បន្ទាប់ពីបានឡើងដល់កម្រិតខ្ពស់ ៩៥.៩១ ដុល្លារ ។ ចំណែកប្រេងឆៅរបស់ក្រុមហ៊ុនអាមេរិក West Texas Intermediate (WTI) បានកើនឡើង ១.៤៩ ដុល្លារ ឬ ១.៦ ភាគរយ ដល់ ៩៤.៥៩ ដុល្លារក្នុងមួយបារ៉ែល ដែលជិតដល់ការជួញដូរកម្រិតខ្ពស់ ៩៤.៩២ ដុល្លារ ។
ការកើនឡើងនេះក៏ដោយសារតែការអត្ថាធិប្បាយពីសហរដ្ឋអាមេរិក អំពីការវាយប្រហារដែលជិតមកដល់របស់រុស្ស៊ីលើអ៊ុយក្រែន បានធ្វើឲ្យទីផ្សារហិរញ្ញវត្ថុពិភពលោកមានភាពរកាំរកូស ។

លោក Edward Moya អ្នកវិភាគឲ្យក្រុមហ៊ុនប្តូរប្រាក់បរទេស OANDA បាននិយាយនៅក្នុងកំណត់ត្រាមួយថា “តម្លៃប្រេងនឹងនៅតែមានការប្រែប្រួលខ្លាំង និងរសើបចំពោះការធ្វើបច្ចុប្បន្នភាពបន្ថែមទាក់ទងនឹងស្ថានភាពអ៊ុយក្រែន ហើយវានឹងកើនលើសពី ១០០ ដុល្លារក្នុងមួយបារ៉ែល” ។
ចំណែកក្រុមហ៊ុនសេវាកម្មថាមពល Baker Hughes Co បាននិយាយថា នៅសហរដ្ឋអាមេរិក តម្លៃប្រេងកំពុងជំរុញឲ្យក្រុមហ៊ុនថាមពលបង្កើនទិន្នផល ខណៈដែលពួកគេបានបន្ថែមកន្លែងខួងយកប្រេងច្រើនបំផុតក្នុងរយៈពេល ៤ ឆ្នាំកាលពីសប្តាហ៍មុន ៕

ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ អ៊ុយក្រែន ដាក់ក្ដីសង្ឃឹមលើ អាមេរិក ជួយបន្ថយភាពតានតឹងជាមួយ រុស្ស៊ី

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ