ព័ត៌មានអន្ដរជាតិ

ស្ថានភាពក្ដៅទៅៗហើយ ពេលនេះ រុស្ស៊ី បញ្ជូនទាហានរាប់ពាន់នាក់ទៀត ទៅព្រំដែន អ៊ុយក្រែន

បានផុស

៣ years មុន

នៅ

ថ្ងៃអង្គារ ១៥ កុម្ភៈ ២០២២

ដោយ

រុស្សីកំពុងបញ្ជូនទាហានរាប់ពាន់នាក់បន្ថែមទៀតទៅកាន់ព្រំដែនរបស់ខ្លួនជាមួយអ៊ុយក្រែន ហើយវាជាសញ្ញាមួយបង្ហាញថា លោក Vladimir Putin អាចបន្តវិបត្តិសម្រាប់សប្តាហ៍នេះទៀត ខណៈដែលលោក Boris Johnson បានព្រមានថា ស្ថានភាពបច្ចុប្បន្នគឺគ្រោះថ្នាក់ខ្លាំងណាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអង់គ្លេសប៉ាន់ប្រមាណថា កងវរសេនាតូចរុស្ស៊ីចំនួន ១៤ អង្គភាពបន្ថែមទៀតកំពុងធ្វើដំណើរឆ្ពោះទៅកាន់ប្រទេសអ៊ុយក្រែន ដែលក្នុងអង្គភាពនីមួយៗមានកងទ័ពប្រហែល ៨០០ នាក់ ពោលបន្ថែមពីលើកងវរសេនាតូចចំនួន ១០០ អង្គភាពដែលបានប្រមូលផ្តុំរួចហើយនៅតាមព្រំដែន ហើយវាជាកងកម្លាំងដែលគេជឿថា មានលទ្ធភាពចាប់ផ្តើមការលុកលុយអ៊ុយក្រែន ។

បច្ចុប្បន្នប្រធានាធិបតីរុស្ស៊ីមិនទាន់សម្រេចចិត្តពីការវាយប្រហារណាមួយលើអ៊ុយក្រែននោះទេ ប៉ុន្តែការបន្តបង្កើនកងកម្លាំងលើសពី ១៥ ម៉ឺននាក់បានជំរុញឲ្យលោក Johnson កាត់បន្ថយការធ្វើដំណើរទៅកាន់ទីក្រុង Cumbria ដើម្បីធ្វើជាប្រធានកិច្ចប្រជុំបន្ទាន់ Cobra នៅថ្ងៃអង្គារនេះ ។

ចំណែកលោក Boris Johnson បាននិយាយថា វាជារឿងសំខាន់សម្រាប់សម្ព័ន្ធមិត្តលោកខាងលិចក្នុងការរួបរួមគ្នាក្នុងការប្រឈមមុខនឹងសម្ពាធរបស់រុស្ស៊ី ។ អង់គ្លេសជឿថា រុស្ស៊ីបានប្តេជ្ញាចិត្តប្រហែល ៦០ ភាគរយនៃកងកម្លាំងជើងគោករបស់ខ្លួន និងបង្កើនថាមពលកងកម្លាំងអាកាសទ្វេដងនៅក្នុងតំបន់ ហើយលោក Putin អាចបន្តវិបត្តិពេញមួយសប្តាហ៍ ឬយូរជាងនេះ ។

កាលពីសប្តាហ៍មុន សហរដ្ឋអាមេរិកបានប្រាប់សម្ព័ន្ធមិត្តថា រុស្ស៊ីគ្រោងនឹងវាយប្រហារអ៊ុយក្រែននៅថ្ងៃពុធនេះ ខណៈប្រធានាធិបតីអាមេរិកលោក ចូ បៃដិន បានហៅទូរសព្ទជាបន្ទាន់ទៅលោក Vladimir Putin កាលពីថ្ងៃសៅរ៍ ក្នុងគោលបំណងទប់ស្កាត់សង្គ្រាម ។

ជាការឆ្លើយតបលោកប្រធានាធិបតីអ៊ុយក្រែន Volodymyr Zelenskiy បាននិយាយថា ប្រទេសរបស់លោកនឹងមិនរងការបំភិតបំភ័យដោយរុស្ស៊ីឡើយ ហើយថ្ងៃពុធគួរតែជា “ថ្ងៃនៃឯកភាព” ។ លោកបាននិយាយថា “យើងចង់បានសន្តិភាព ហើយយើងចង់ដោះស្រាយបញ្ហាផ្តាច់មុខទាំងអស់តាមរយៈការចរចា ៕

ប្រែសម្រួលដោយ ៖ ជីវ័ន្ត

ប្រភព ៖ The Guardian

ចុចអាន ៖ ភាពតានតឹង រុស្ស៊ី-អ៊ុយក្រែន ធ្វើឲ្យតម្លៃប្រេងពិភពលោកឡើងដល់កម្រិត ខ្ពស់បំផុតមិនធ្លាប់មាន