ភ្ញៀវលង់ទឹកអណ្តូងក្នុងពិធីមង្គលការ ស្លាប់១៣នាក់នៅ ឥណ្ឌា

ភ្ញៀវចំនួន១៣នាក់បានស្លាប់ បន្ទាប់ពីធ្លាក់ចូលទៅក្នុងអណ្តូង អំឡុងពិធីមង្គលការមួយនៅរដ្ឋ Uttar Pradesh ភាគខាងជើងនៃប្រទេសឥណ្ឌាកាលពីល្ងាចថ្ងៃពុធទី ១៦ខែកុម្ភៈ។

ប៉ូលិសបាននិយាយថា ជនរងគ្រោះទាំងអស់ ដែលសុទ្ធតែជាស្ត្រី និងកុមារ បានអង្គុយនៅលើបន្ទះដែកគេយកទៅគ្របមាត់អណ្តូង ស្រាប់តែក្រោយមក ដែកនោះបានបាក់ដោយសារតែទម្ងន់មនុស្សធ្ងន់ពេក។

មនុស្ស​ពីរ​នាក់​ទៀត​បាន​រង​របួស ​ក្នុង​ឧបទ្ទវហេតុ​ដែល​​កើត​ឡើង​នៅ​​ស្រុក Kushinagar។

ស្របពេលជាមួយគ្នានោះដែរ លោកនាយក​រដ្ឋមន្ត្រី Narendra Modi បាន​ហៅ​ការ​ស្លាប់​នេះ​ថា​ ​ជាក្តី​ឈឺ​ចាប់ជាទីបំផុត។

លើសពីនេះ នាយករដ្ឋមន្រ្ដីរដ្ឋ Uttar Pradesh លោក Yogi Adityanath បានស្នើឲ្យអាជ្ញាធរស្រុក ជួយដល់ក្រុមគ្រួសារជនរងគ្រោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ ភ្លៀងធ្លាក់ខ្លាំងនៅ ឥណ្ឌា និងស្រីលង្កា សម្លាប់មនុស្ស ៤១នាក់