អ្នកស្លាប់ដោយសារបាក់ដីនៅប្រេស៊ីល កើនលើស១០០នាក់

ចំនួនអ្នកស្លាប់ដោយសារការរអិលបាក់ដីនៅក្នុងទីក្រុង Petropolis របស់ប្រទេសប្រេស៊ីល បានកើនឡើងដល់១០៤នាក់ហើយ គិតត្រឹមថ្ងៃព្រហស្បតិ៍ទី១៧ខែកុម្ភៈ ហើយត្រូវបានគេរំពឹងថានឹងកើនឡើងបន្ថែមទៀត ខណៈតំបន់នេះជួបប្រទះភ្លៀងធ្លាក់ខ្លាំងបំផុត ក្នុងរយៈពេលជិតមួយសតវត្សរ៍។

សេវាសង្គ្រោះបន្ទាន់និយាយថា បុគ្គលិកសង្គ្រោះជាង៥០០នាក់ រួមជាមួយអ្នកជិតខាង និងសាច់ញាតិជនរងគ្រោះ កំពុងបន្តស្វែងរកអ្នកនៅរស់រានមានជីវិត។

តួលេខបឋម​បានបង្ហាញថា ​មនុស្ស​ចំនួន៣៥នាក់​ទៀតកំពុង​ខ្លួន ហើយ​កុមារ​ចំនួន១៣នាក់ ស្ថិត​ក្នុង​ចំណោម​អ្នក​ស្លាប់។

ភ្លៀងធ្លាក់ខ្លាំងឥតឈប់ឈរ បានបណ្តាលឲ្យមានបំណាក់ដីដែលកប់ផ្ទះ ទឹកជំនន់លិចផ្លូវ និងបំផ្លាញរថយន្តក្នុងទីក្រុងភ្នំមួយនេះ។

គួរបញ្ជាក់ថា នេះគឺជាភ្លៀងធ្លាក់ខ្លាំងបំផុតចាប់តាំងពីឆ្នាំ១៩៣២មកនៅទីក្រុង Petropolis ដែលជាតំបន់ទេសចរណ៍ជិតទីក្រុង Rio de Janeiro៕

ប្រែសម្រួល៖ Vann Vann

ប្រភព៖ CNA

ចុចអាន៖ ស្លាប់ជិត១០០នាក់ ក្នុងការបាក់ដីនិងជំនន់ទឹកភ្លៀង កម្ទេចទីក្រុងរបស់ប្រេស៊ីល