ព័ត៌មានអន្ដរជាតិ

ផ្ទុះខ្លាំង កូរ៉េខាងត្បូងឆ្លងដល់១០ម៉ឺននាក់ក្នុង១ថ្ងៃលើកដំបូង

បានផុស

៣ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ករណីឆ្លងកូវីដ-១៩ប្រចាំថ្ងៃនៅកូរ៉េខាងត្បូងបានកើនឡើងដល់១០ម៉ឺននាក់ជាលើកដំបូងដោយសារវីរុសបំប្លែង Omicron ផ្ទុះខ្លាំង។ យោងតាមទីភ្នាក់ងារគ្រប់គ្រង និងបង្ការជំងឺកូរ៉េខាងត្បូងបាននិយាយនៅថ្ងៃសុក្រ ទី១៨ ខែកុម្ភៈនេះ បើទោះជាចំនួនស្លាប់នៅមានកម្រិតទាបស្របពេលការចាក់វ៉ាក់សាំងខ្ពស់។

អាជ្ញាធរបានប្រកាសនៅថ្ងៃសុក្រនេះថា ពួកគាត់បានបន្ថូរបន្ថយបំរាមគោចរពេលយប់សម្រាប់អាជីវកម្មពីម៉ោង៩យប់ទៅម៉ោង១០យប់ ប៉ុន្តែវិធានការផ្សេងទៀតអាចជួបជុំគ្នាលក្ខណៈឯកជនបានត្រឹមតែ៦នាក់ប៉ុណ្ណោះច្រើនបំផុត ហើយអ្នកធ្វើដំណើរមកពីក្រៅប្រទេសត្រូវធ្វើចត្តាឡីស័ក៧ថ្ងៃ ត្រូវពាក់ម៉ាស់នៅទីសាធារណៈ និងត្រូវមានប័ណ្ណចាក់វ៉ាក់សាំងសម្រាប់អ្នកធ្វើកិច្ចការអាជីវកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធានការអាចត្រូវបានអនុវត្តហោចណាស់ដល់ថ្ងៃទី១៣ ខែមីនា បន្ទាប់ពីការបោះឆ្នោតជ្រើសរើសប្រធានាធិបតី នៅថ្ងៃទី៩ ខែមីនា។

ឥឡូវនេះ ប្រជាជនដែលមានរោគសញ្ញាតិចតូច ឬគ្មានសោះនឹងត្រូវឲ្យព្យាបាលនៅផ្ទះ និងមានតែមនុស្សក្នុងក្រុមអាទិភាពប៉ុណ្ណោះដែលត្រូវធ្វើតេស្តដោយ PCR បន្ទាន់ និងឥតគិតថ្លៃ។

អ្នកជំនាញសុខភាពបានព្យាករពីករណីឆ្លងប្រចាំថ្ងៃអាចកើនឡើង២ឬ៣ដង ប៉ុន្តែអាជ្ញាធរនិយាយថា រហូតដល់ពេលនេះ ករណីឈឺធ្ងន់ធ្ងរស្ថិតក្នុងការគ្រប់គ្រងបាន ហើយករណីស្លាប់នៅទាប។

រហូតដល់ពេលនេះ ប្រទេសកូរ៉េខាងត្បូងចាក់វ៉ាក់សាំងបាន៥៨%នៃប្រជាជន៥២លាននាក់។ មនុស្សជាង៤៤លាននាក់ដែលស្មើនឹង៨៦.២%បានចាក់វ៉ាក់សាំងពេញដូស។

ទីភ្នាក់ងារគ្រប់គ្រង និងបង្ការជំងឺកូរ៉េខាងត្បូងបានឲ្យដឹងថា ករណីឆ្លងថ្មីកាលពីថ្ងៃព្រហស្បតិ៍ម្សិលមិញមានចំនួន ១០៩ ៨៣១នាក់ ដែលធ្វើឲ្យចំនួនឆ្លងសរុបឡើងដល់១ ៧៥៥ ៨០៩នាក់ និងស្លាប់ថ្មី៤៥នាក់ដែលសរុបការស្លាប់៧២៨៣នាក់៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩