ព័ត៌មានអន្ដរជាតិ

ចិន ផ្អាកនាំចូលទំនិញ វៀតណាម ធ្វើឲ្យកុងតឺន័របន្តជាប់គាំងនៅតាមព្រំដែន

បានផុស

៣ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ប្រទេសចិនបានផ្អាកការនាំចូលទំនិញវៀតណាមតាមច្រកព្រំដែន Hekou របស់ខ្លួនជាមួយច្រក Lao Cai នៃប្រទេសវៀតណាម ដោយសារជំងឺរាតត្បាតកូវីដ ១៩ ហើយធ្វើឲ្យរថយន្តកុងតឺន័របន្តជាប់គាំងនៅតាមព្រំដែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុប្រធានគណៈកម្មាធិការគ្រប់គ្រងតំបន់សេដ្ឋកិច្ច Lao Cai លោក Ha Duc Thuan បាននិយាយកាលពីថ្ងៃទី ១៧ ខែកុម្ភៈថា គណៈគ្រប់គ្រងច្រកទ្វារព្រំដែន Hekou បានជូនដំណឹងតាមរយៈទូរស័ព្ទ Hotline ថា ការផ្អាកនេះគឺដោយសារតែការរកឃើញករណីឆ្លងថ្មីនៃជំងឺកូវីដក្នុងស្រុកចិនដែលជំរុញឲ្យអាជ្ញាធរចិនដាក់ច្រកព្រំដែន Hekou នៅក្រោមការបិទខ្ទប់ និងធ្វើតេស្តលើអ្នកស្រុកទាំងអស់ ។

លោក Thuan បញ្ជាក់ថា ភាគីចិនក៏បានស្នើឲ្យមានការសម្របសម្រួលពីច្រក Lao Cai ក្នុងការបញ្ឈប់រថយន្តដឹកទំនិញមិនឲ្យចូលច្រក Hekou ចាប់ពីថ្ងៃទី ១៧ ខែកុម្ភៈ រហូតដល់មានការជូនដំណឹងបន្ថែម ។

លោកបន្ថែមថា ទោះបីជាយ៉ាងណា ការវិលត្រឡប់មកវិញនៃរថយន្តគ្មានដឹកទំនិញនឹងនៅតែប្រព្រឹត្តទៅដូចធម្មតាដដែរ ។

ជាចុងក្រោយលោក Thuan បាននិយាយថា ក្រុមប្រឹក្សាគ្រប់គ្រងច្រកទ្វារព្រំដែន Lao Cai ក៏បានស្នើសុំឲ្យជូនដំណឹងដល់ភ្នាក់ងារពាក់ព័ន្ធ និងអាជីវកម្មអំពីការផ្អាកនេះផងដែរ ដើម្បីចៀសវាងការជាប់គាំងរថយន្តកុងតឺន័របន្ថែមទៀតនៅច្រកព្រំដែន ៕