រុស្ស៊ី ​បណ្ដេញ​អនុប្រធានបេសកកម្មការទូត​អា​មេ​រិ​ក ក្រោយ ចូ បៃដិន និយាយប៉ុន្មានម៉ាត់

រុស្ស៊ី​បណ្ដេញអនុប្រធានបេសកកម្មការទូតអាមេរិកឱ្យចេញពី​ប្រទេសភ្លាមៗ បន្ទាប់ពីប្រធានាធិបតី Joe Biden ថ្លែងថា លោកពូទីននឹងបញ្ជាកងទ័ពឱ្យវាយប្រហារអ៊ុយក្រែន។

នៅថ្ងៃសុក្រនេះ ប្រធានាធិបតីអាមេរិកលោក Joe Biden បាននិយាយថា ភាគរយខ្ពស់ណាស់ដែលរុស្ស៊ីនឹងវាយលុកអ៊ុយក្រែន ក្នុងរយៈពេលប៉ុន្មានថ្ងៃខាងមុខ ដោយពិចារណាលើកត្តាផ្សេងៗជាច្រើន។ ក្រោយពីលោក Joe Biden ថ្លែងមិនបានប៉ុន្មានម៉ោងផង រដ្ឋាភិបាលរុស្ស៊ីបានបណ្តេញអនុប្រធានបេសកកម្មការទូតអាមេរិក Bart Gorman ចេញពីទីក្រុងមូស្គូភ្លាមៗ។

ទោះយ៉ាងណា មេដឹកនាំសហរដ្ឋអាមេរិករូបនេះ នៅតែជឿជាក់ថា វាអាចទៅរួចក្នុងការស្វែងរកដំណោះស្រាយតាមរយៈវិធីសាស្រ្តការទូត ព្រោះវា​នឹងជួយ​បន្ធូរបន្ថយ​កង្វល់​របស់​រុស្ស៊ី​ និងសមយុទ្ធនៅអឺរ៉ុបខាងកើត។

គួរបញ្ជាក់ថា ស្ថានភាពរវាង រុស្ស៊ី និងអ៊ុយក្រែន ហាក់មិនធូរស្រាលសោះ ​ទោះបីជារុស្ស៊ីកំពុងដកទ័ពពីព្រំដែនក៏ដោយ ប៉ុន្តែរុស្ស៊ីបានពង្រាយយន្តហោះទម្លាក់គ្រាប់បែកចំនួន ១០គ្រឿង លើវាលយន្តហោះតំបន់ គ្រីមៀ ដើម្បីហោះហើរទៅដាក់នៅតំបន់ផ្សេងទៀតនៃប្រទេសរុស្ស៊ី អំឡុងពេលសមយុទ្ធយោធា។ យ៉ាងណាក្កី រុស្ស៊ីបានឆ្លើយតបថា ខ្លួនមិនមានចេតនាធ្វើសកម្មភាពយោធាលើអ៊ុយក្រែននោះទេ ហើយខ្លួនមានសិទ្ធិចល័តកងកម្លាំងនៅក្នុងទឹកដីរបស់ខ្លួន៕

ប្រែសម្រួល៖ សន្យា

ប្រភព៖ sputnik

ចុចអាន៖ រុស្ស៊ី ហោះហើរយន្តហោះទម្លាក់គ្រាប់បែក ១០ គ្រឿងលើតំបន់ គ្រីមៀ