ចូ បៃដិន ជឿជាក់ថា រុស្ស៊ី សម្រេចចិត្តវាយប្រហារអ៊ុយក្រែនហើយ

ប្រធានាធិបតីអាមេរិក លោក ចូ បៃដិន និយាយថា លោកជឿជាក់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានសម្រេចចិត្តបើកការវាយប្រហារអ៊ុយក្រែនហើយ ខណៈសកម្មភាពយោធានឹងកើតឡើងក្នុងរយៈពេលប៉ុន្មានថ្ងៃខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការលើកឡើងរបស់លោកបៃដិន, ការវាយតម្លៃនេះគឺផ្អែកលើចារកម្មអាមេរិក ដែលបង្ហាញថា រដ្ឋធានី គៀវ នឹងត្រូវកំណត់គោលដៅ។

នៅក្នុងសុន្ទរកថាផ្សាយតាមទូរទស្សន៍ចេញពីសេតវិមាន លោកប្រធានាធិបតី បៃដិន បាននិយាយថា សហរដ្ឋអាមេរិកមាន ហេតុផលដើម្បីជឿថា កងកម្លាំងរុស្ស៊ីកំពុងរៀបចំផែនការ និងមានបំណងវាយប្រហារអ៊ុយក្រែនក្នុងសប្តាហ៍ខាងមុខ និងប៉ុន្មានថ្ងៃខាងមុខនេះ។

រហូត​មក​ដល់​ពេល​នេះ ខ្ញុំ​ជឿជាក់​ថា លោក ពូទីន ​បាន​ធ្វើ​ការ​សម្រេច​ចិត្តរួចទៅហើយ​ហើយ។

បណ្តាប្រទេសលោកខាងលិចភ័យខ្លាចថា រុស្ស៊ីកំពុងព្យាយាមរៀបចំសកម្មភាពក្លែងក្លាយនៅក្នុងតំបន់ភាគខាងកើតប្រទេសអ៊ុយក្រែន ដើម្បីយកធ្វើជាលេស ចាប់ផ្តើមវាយប្រហារ។

ទោះបីជាយ៉ាងណាក៏ដោយ រុស្ស៊ី​បានបដិសេធ​ថា ​ខ្លួនមិន​មាន​គម្រោងធ្វើសកម្មភាពយោធានោះទេ។

តាមការប៉ាន់ស្មានរបស់អាមេរិក, មានកងទ័ពរុស្ស៊ីពី១៦៩,០០០ទៅ១៩០,០០០នាក់ បានប្រមូលផ្តុំគ្នានៅក្នុង និងជិតប្រទេសអ៊ុយក្រែន ដែលតួលេខនេះរាប់រួមបញ្ចូលទាំងអ្នកប្រយុទ្ធគាំទ្រដោយរុស្ស៊ីនៅក្នុងសាធារណរដ្ឋប្រកាសដោយខ្លួនឯង Donetsk និងតំបន់ Luhansk ភាគខាងកើតអ៊ុយក្រែនផងដែរ៕

ប្រែសម្រួល៖​ Vann Vann

ប្រភព៖ BBC

ចុចអាន៖ រុស្ស៊ី បណ្ដេញ ឯកអគ្គរដ្ឋទូត អា មេ រិ កចេញពីប្រទេស ក្រោយ ចូ បៃដិន និយាយប៉ុន្មានម៉ាត់