ឆ្មាំសមុទ្រ អាមេរិក រឹបអូសថ្នាំញៀន ៣០ តោន តម្លៃជាង ១ ពាន់លានដុល្លារ

ឆ្មាំឆ្នេរសមុទ្រអាមេរិកបានរឹបអូសកូកាអ៊ីន និងកញ្ឆាទម្ងន់ជាង ៣០ តោន និងមានតម្លៃជាង ១ ពាន់លានដុល្លារនៅរដ្ឋ South Florida កាលពីថ្ងៃព្រហស្បតិ៍ ដែលជាការរឹបអូសដ៏ធំបំផុតមួយរហូតមកដល់បច្ចុប្បន្ននេះ ។

ឆ្មាំឆ្នេរសមុទ្របានរឹបអូសថ្នាំញៀននេះពីអ្នកជួញដូរ ក្នុងអំឡុងពេលមានការអន្តរាគមជាច្រើននៅក្នុងសមុទ្រការាបៀន និងភាគខាងកើតមហាសមុទ្រប៉ាស៊ីហ្វិក ។

ក្រោយមកនាវិកនៃឆ្មាំឆ្នេរសមុទ្រ Cutter James បាននាំយកគ្រឿងញៀនទៅកាន់កំពង់ផែ Port Everglades ក្នុងទីក្រុង Fort Lauderdale ។

ក្រុមមន្ត្រីបាននិយាយថា ពួកគេបានរឹបអូសបានកូកាអ៊ីនប្រហែល ២៤,៧២០ គីឡូក្រាម និងកញ្ឆាចំនួន ៧,១៦៦ គីឡូក្រាម ហើយគ្រឿងញៀននេះមានតម្លៃជាង ១.០៦ ពាន់លានដុល្លារ ។

លោកកាពីតែន Todd Vance ដែលជាមេបញ្ជាការនៃនាវា Cutter James បាននិយាយថា នាវិកបានរឹបអូសថ្នាំញៀនសរុបចំនួន ៣០ តោន ហើយវាជាការរឹបអូសដ៏ធំបំផុតក្នុងបរិមាណសរុបសម្រាប់កប៉ាល់រហូតមកដល់បច្ចុប្បន្ននេះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Fox5

ចុចអាន ៖ ស្ថានភាពកាន់តែក្ដៅ ទូតរង អាមេរិក ចាកចេញពី រុស្ស៊ី