Connect with us

ព័ត៌មានអន្ដរជាតិ

វៀតណាម រកឃើញកុមារ ៤៩ ម៉ឺននាក់ឆ្លងកូវីដ

បានផុស

នៅ

យោងតាមអនុរដ្ឋមន្ត្រីសុខាភិបាលវៀតណាមលោក Nguyen Truong Son បានឲ្យដឹងថា កុមារប្រមាណ ៤៩០,០០០ នាក់នៅក្នុងប្រទេសវៀតណាមបានឆ្លងជំងឺកូវីដ ១៩ ចាប់តាំងពីការចាប់ផ្តើមនៃជំងឺរាតត្បាតមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទថ្នាក់ជាតិនាពេលថ្មីៗនេះ ស្តពីការណែនាំ និងការថែទាំកុមារដែលឆ្លងជំងឺកូវីដ ១៩ លោក Son បាននិយាយថា ចំនួននេះស្មើនឹង ១៩.២ ភាគរយនៃមនុស្សដែលមានអាយុក្រោម ១៨ ឆ្នាំដែលឆ្លងកូវីដនៅក្នុងប្រទេស ។

លោកបានកត់សម្គាល់ថា ៤.៨ ភាគរយនៃកុមារអាយុចន្លោះពី ១៣-១៧ ឆ្នាំបានធ្វើតេស្តវិជ្ជមានកូវីដ ។ ៨ ភាគរយដែលឆ្លងកូវីដមានអាយុពី ៦ ទៅ ១២ ឆ្នាំ, ២.៨ ភាគរយមានអាយុពី ៣ ទៅ ៥ ឆ្នាំ, និង ៣.៦ ភាគរយដែលមានអាយុពី ០ ទៅ ២ ឆ្នាំ។

មានតែការស្លាប់របស់កុមារចំនួន ១៦៥ នាក់ប៉ុណ្ណោះពោលស្មើនឹង ០.៤២ ភាគរយនៃការស្លាប់ដោយសារកូវីដសរុបរបស់ប្រទេស ខណៈ ០.១១ ភាគរយនៅក្នុងក្រុមអាយុ ១៣ ទៅ ១៧ ឆ្នាំ, ០.១ ភាគរយនៅក្នុងក្រុមអាយុ ៦ ទៅ ១២ និង ០.១៨ ភាគរយនៅក្នុងក្រុម ០ ទៅ ២ ឆ្នាំ ។

នាពេលថ្មីៗនេះក្រសួងសុខាភិបាលក៏បាននឹងកំពុងសម្របសម្រួលយ៉ាងជិតស្និទ្ធជាមួយក្រសួងអប់រំ និងអាជ្ញាធរមូលដ្ឋានដើម្បីពន្លឿនការចាក់វ៉ាក់សាំងដល់កុមារអាយុពី ១២ ទៅ ១៧ ឆ្នាំផងដែរដើម្បីអនុញ្ញាតឲ្យបើកសាលារៀនឡើងវិញដោយសុវត្ថិភាព ខណៈអត្រាការចាក់វ៉ាក់សាំងនាពេលបច្ចុប្បន្នឈានដល់ ៩០ ភាគរយហើយ ។

រហូតមកដល់ពេលនេះវ៉ាក់សាំង Pfizer សរុបចំនួន ១៦.៤ លានដូសត្រូវបានចាក់ទៅក្រុមអាយុនេះ រួមទាំង ៧.៩៦ លានដូសសម្រាប់ការចាក់លើកទី ២ ខណៈដែលការចាក់វ៉ាក់សាំងរបស់កុមារដែលមានអាយុពី ៥ ទៅ ១២ ឆ្នាំគ្រោងនឹងចាប់ផ្តើមក្នុងពេលឆាប់ៗនេះជាមួយនឹងការចាក់វ៉ាក់សាំង Pfizer ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Vietnam Plus

ចុចអាន ៖ វៀតណាម សាកល្បងថ្នាំកូវីដ Molnupiravir រួចហើយ ឯប្រសិទ្ធភាពដូចចិត្ត (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទីutes មុន

ករណីបាក់ស្ពាននៅស្រុកស្អាង÷ ពលរដ្ឋអាចធ្វើចរាចរចេញ-ចូល តាមខ្លោងទ្វារវត្តពាមប្រជុំ ជាប់ផ្លូវជាតិលេខ២១

ព័ត៌មានជាតិ៥១ នាទីutes មុន

ក្រសួងបរិស្ថាន÷ ខេត្តកោះកុង ជាខេត្តមានខ្យល់បំពុលកម្រិតខ្ពស់ជាងគេ  

ព័ត៌មានជាតិ៥២ នាទីutes មុន

លោក ហេង សួរ ៖ សាធារណជន​មាន​បំណង​ស្វែង​រក​ការងារធ្វើនៅក្រៅប្រទេស សូមមកប្រើប្រាស់ «បញ្ជរសេវាសាធារណៈចល័ត»

សន្តិសុខសង្គម១ ម៉ោង មុន

រយៈពេល ២ ថ្ងៃ កម្លាំងកងរាជអាវុធហត្ថខេត្តបាត់ដំបង បង្ក្រាបថ្នាំញៀន ២០០ គីឡូក្រាម និងឃាត់ខ្លួនមុខសញ្ញា ១១ នាក់

ព័ត៌មានជាតិ៤ ម៉ោង មុន

របាយការណ៍បឋម៖ រថយន្តដឹកគ្រឿង​ចក្រ​លើសទម្ងន់បណ្តាលឱ្យបាក់ស្ពានដែក

Sokha Hotels

ព័ត៌មានពេញនិយម