ព័ត៌មានអន្ដរជាតិ
ឆ្លងច្រើនពេក អ្នកជំងឺកូវីដនៅថៃ ដេកតាមចិញ្ចើមផ្លូវ រង់ចាំការព្យាបាល
ថ្ងៃនេះ មជ្ឈមណ្ឌលគ្រប់គ្រងស្ថានការណ៍ជំងឺកូវីដ-១៩ របស់ប្រទេសថៃ (CCSA) បានរាយការណ៍ថា ការឆ្លងជំងឺកូវីដ-១៩ក្នុងរយៈពេល២៤ម៉ោងចុងក្រោយនេះ បានកើនឡើងដល់ ២១ ២៣២ករណី ខណៈមានអ្នកស្លាប់៣៩នាក់។ ប្រព័ន្ធផ្សព្វផ្សាយថៃ ក៏បានរាយការណ៍ផងដែរថា គ្រែដាក់អ្នកជំងឺក៏កំពុងស្ថិតក្នុងចំណុចមានវិបត្តិ។

រូបថតអ្នកជំងឺដែលត្រូវបានទុកចោល ដើម្បីរង់ចាំការព្យាបាលនៅតាមចិញ្ចើមផ្លូវ ឬនៅតាមវត្ត ក៏កំពុងត្រូវបានចែករំលែកពាសពេញបណ្តាញប្រព័ន្ធផ្សព្វផ្សាយសង្គមផងដែរ។
ទំព័រហ្វេសប៊ុក “Survive Sai Mai” បានបង្ហោះវីដេអូបុរសអាយុ៦០ឆ្នាំម្នាក់ ដែលបានឆ្លងជំងឺកូវីដ-១៩ ហើយកំពុងរង់ចាំការព្យាបាលនៅវត្តមួយក្នុងទីក្រុងបាងកក។
រីឯទំព័រហ្វេសប៊ុកមួយទៀតឈ្មោះ “Zendai” ក៏បានចែករំលែករូបថតរបស់បុរសម្នាក់ ដេកនៅតាមផ្លូវដោយត្អូញត្អែរថា គាត់អស់ខ្យល់ និងអស់កម្លាំង។

ទោះបីជាយ៉ាងណាក៏ដោយ អាជ្ញាធរលើកឡើងថា ស្ថានភាពកូវីដបានស្ថិតនៅក្រោមការគ្រប់គ្រងហើយ។ ពួកគេអះអាងថា មានគ្រែ និងថ្នាំដែលអាចប្រើបាន ហើយគ្រប់គ្រាន់សម្រាប់កម្រិតអ្នកជំងឺកូវីដនាពេលបច្ចុប្បន្ន។
កាលពីម្សិលមិញ រដ្ឋមន្ត្រីក្រសួងសុខាភិបាល លោក Anutin Charnvirakul បានពន្យល់ដល់អ្នកសារព័ត៌មានថា រូបថត និងការអះអាងរបស់អ្នកជំងឺកូវីដ ដែលទុកចោលតាមដងផ្លូវ និងទីតាំងសាធារណៈផ្សេងទៀតមិនអាចបញ្ជាក់ថាជាការពិតបានទេ។ លោកបានចុះទៅពិនិត្យជាមួយក្រុមការងារ ហើយមិនបានរកឃើញអ្វីដូចការលើកឡើងឡើយ៕
ប្រែសម្រួល៖ Vann Vann
ប្រភព៖ Thaiger
ចុចអាន៖ កុំមើលស្រាល! អូមីក្រុង វាយលុកខ្លាំងឡើងៗ ថៃប្រកាសអាសន្នហើយ

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?