ព័ត៌មានអន្ដរជាតិ
ពូទីន បញ្ជូនឈាម និងគ្រឿងពេទ្យ ទៅឲ្យទាហាននៅព្រំដែន ត្រៀមបើកការវាយប្រហារ (មានវីដេអូ)
លោក វ្ល៉ាឌីមៀរ ពូទីន បានបញ្ជូនស្តុកឈាម និងគ្រឿងផ្គត់ផ្គង់ផ្នែកវេជ្ជសាស្រ្ត ទៅឲ្យទាហានរុស្ស៊ី ដែលឈរជើងនៅតាមបណ្តោយព្រំដែនអ៊ុយក្រែន ក្នុងសកម្មភាពមួយ ដែលប្រធានាធិបតីអាមេរិក លោក ចូ បៃដិន ព្រមានថា រុស្ស៊ី កំពុងរៀបចំសម្រាប់ការវាយប្រហារយោធាដ៏ធំមួយ លើប្រទេសអ៊ុយក្រែន។

ក្បួនទ័ពដ៏ធំដែលមានរថយន្តយោធាជាង ១០០គ្រឿងជាមួយទាហាន ក៏ត្រូវបានគេមើលឃើញផងដែរថា កំពុងធ្វើដំណើរឆ្ពោះទៅព្រំដែនអ៊ុយក្រែន ជាកន្លែងដែលទាហានរុស្ស៊ី ១៩០ ០០០នាក់បានដាក់ពង្រាយរួចទៅហើយ ដោយបង្កើនការភ័យខ្លាចថា លោក ពូទីន រៀបចំការវាយដណ្តើមយកទឹកដីនៅភាគខាងកើតអ៊ុយក្រែនហើយ។
Kharkiv ដែលជាទីក្រុងធំលំដាប់ទីពីររបស់អ៊ុយក្រែន គឺស្ថិតនៅជិតបំផុតទៅនឹងព្រំដែននោះ ហើយត្រូវបានគេសង្ស័យជាយូរមកហើយថា ជាគោលដៅនៅក្នុងការវាយប្រហាររបស់រុស្ស៊ី។

លោក ពូទីន បានបញ្ជូនកងទ័ពរុស្ស៊ីជាង១០ ០០០នាក់រួចទៅហើយ ទៅកាន់តំបន់ផ្តាច់ខ្លួន Donetsk និង Luhansk ភាគខាងកើតប្រទេសអ៊ុយក្រែន បន្ទាប់ពីលោកបានទទួលស្គាល់ ឯករាជ្យ។
ប្រភពមួយដែលមានទំនាក់ទំនងជាមួយចារកម្មអ៊ុយក្រែនបាននិយាយថា ទាហានប្រហែល ៦ ០០០នាក់ ត្រូវបានបញ្ជូនទៅទីក្រុង Donetsk, ៥ ០០០ នាក់ទៅ Luhansk និង ១ ៥០០ នាក់ទៅ Horlivka។

លោក បៃដិន និយាយថា លោកជឿថា ការដែលពូទីន ដាក់ទ័ពនិងបញ្ជូនឈាមសម្រាប់ផ្គត់ផ្គង់ទៅកាន់តំបន់ទាំងនោះ គ្មានហេតុផលអ្វីក្រៅពីការត្រៀមវាយប្រហារនោះទេ។ នេះគឺជាការចាប់ផ្តើមនៃការវាយប្រហាររបស់រុស្ស៊ីហើយ។
ប្រធានាធិបតីអាមេរិកបានប្រកាសថា អ្នកមិនត្រូវការឈាមទេ លុះត្រាតែអ្នកគ្រោងនឹងចាប់ផ្តើមសង្រ្គាម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ End Time Headlines
ចុចអាន៖ ហេតុអ្វីសញ្ញា Z លើរថក្រោះរុស្ស៊ី ធ្វើឲ្យគេខ្លាច? ទាំងនេះជាការបកស្រាយ

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់