ព័ត៌មានអន្ដរជាតិ

ធាត់ពេក! បុរស ឥណ្ឌូណេស៊ី ម្នាក់ ត្រូវមិត្តស្រីសុំបែក ចុងក្រោយប្រែរូបរាងសង្ហាដូចតារា ចិន (មានវីដេអូ)

បានផុស

៣ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

សាង ស្រីល័ក្ខ

អាចនិយាយបានថា នេះជាការយកថាមពលអាក្រក់ នៃភាពសោកស្ដាយ មកដុតវាទៅជាថាមពលវិជ្ជមាន ដើម្បីផ្លាស់ប្ដូរខ្លួនឯងបានយ៉ាងល្អប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងសម្រាប់យុវជនឥណ្ឌូណេស៊ីម្នាក់នេះវិញ ត្រូវមិត្តស្រីបោះបង់ចោល ព្រោះតែរូបគេធាត់ពេក មិនសង្ហាដូចប្រុសដទៃ។ ដូច្នេះហើយ ទើបគេបានសម្រេចចិត្តកែប្រែខ្លួន ឲ្យក្លាយជាបុរសសង្ហា មានរាងស្វែល រហូតមានអ្នកចូលមើលជាង ២០ លានដងផងដែរ។

យុវជនវ័យក្មេងនេះ មានឈ្មោះថា Oddi មកពីប្រទេសឥណ្ឌូណេស៊ី។ គាត់បានបង្ហោះវីដេអូឃ្លីបទៅក្នុងគណនី TikTok របស់គាត់ ដែលគាត់បានអាប់ដេតការសម្រកទម្ងន់មុនរបស់ខ្លួន ទៅជាបុរសសង្ហាបច្ចុប្បន្ន ហើយកំពុងតែ ល្បីល្បាញពេញបណ្ដាញសង្គម ។

ក្រៅពីនោះ Audi គាត់ក៏បានចែករំលែកអាថ៌កំបាំងនៃការសម្រកទម្ងន់របស់គាត់ ដោយនិយាយថា អាថ៌កំបាំងរបស់គាត់គឺ ការចៀសវាងអាហារសម្រន់ ភេសជ្ជៈ គ្រឿងស្រវឹង បង្អែម និងអាហារមានសារជាតិប្រៃ ។ អ្វីដែលសំខាន់បំផុតនោះគឺការហាត់ប្រាណឲ្យបានទៀងទាត់។

បុរសដែលធ្លាប់មានសាច់ទ្រលុកទ្រលន់ ប្រែជាសង្ហារូបនេះ បានព្រលយពាក្យថា “ជោគជ័យប្រហែលជាមិនងាយស្រួលទេ។ ប្រាកដណាស់ វាអាស្រ័យលើពេលវេលា និងការដាក់ចិត្តរបស់យើងខ្លួនឯងដែរ»។

បន្ទាប់ពីឃ្លីបវីដេអូរបស់គាត់ត្រូវបានបញ្ចេញ និងចែករំលែក។ អាចនិយាយបានថា អ្នកនិយមលេងអ៊ីនធឺណិតបានចូលចិត្តការផ្លាស់ប្ដូររបស់គាត់ជាខ្លាំង។ ពួកគេក៏ចោទសួរជាសម្ងាត់ថា តើអតីតមិត្តស្រីដែលបានចាកចេញពីគាត់ ប្រាកដជាសោកស្ដាយឬអត់? ហើយក៏មានមនុស្សជាច្រើនគិតថា មុខមាត់ស្រដៀងនឹងតារាចិនដូចជាលោក Huang Minghao ឬលោក Justin Huang ជាដើម៕

សូមទស្សនាវីដេអូខាងក្រោម៖