លោក បៃដិន ថា ពិភពលោកឲ្យ រុស្ស៊ី ទទួលខុសត្រូវតែម្នាក់ឯងចំពោះ ការស្លាប់ និងបំផ្លិចបំផ្លាញនៅ អ៊ុយក្រែន

លោកប្រធានាធិបតីសហរដ្ឋអាមេរិក ចូ បៃដិន និយាយថា រុស្សីតែម្នាក់ឯងជាអ្នកទទួលខុសត្រូវចំពោះការស្លាប់ និងការបំផ្លិចបំផ្លាញសម្រាប់ការវាយប្រហារលើអ៊ុយក្រែន ។

ថ្លែងនៅលើការបង្ហោះតាមហ្វេសប៊ុកនៅប៉ុន្មាននាទីមុននេះ លោក បៃដិន បាននិយាយថា សហរដ្ឋអាមេរិក និងសម្ព័ន្ធមិត្ត និងដៃគូរបស់ខ្លួនក៏នឹងឆ្លើយតបដោយឯកភាព និងការសម្រេចចិត្តដ៏ត្រឹមត្រូវទៅលើរុស្ស៊ីវិញផងដែរ ហើយពិភពលោកនឹងទទួលខុសត្រូវលើប្រទេសរុស្ស៊ី ។

គួរបញ្ជាក់ថា ការបង្ហោះរបស់លោក ចូ បៃដិន កើតឡើង បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសអំពី “ប្រតិបត្តិការយោធា” នៅក្នុងតំបន់ Donbas របស់ប្រទេសអ៊ុយក្រែន ហើយលោកថែមទាំងបានជំរុញឲ្យទាហានអ៊ុយក្រែននៅក្នុងតំបន់ប្រយុទ្ធនៃភាគខាងកើតប្រទេសអ៊ុយក្រែនដាក់អាវុធចុះ ហើយត្រលប់ទៅផ្ទះរបស់ពួកគេវិញផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Facebook

ចុចអាន ៖ ពូទីន ប្រកាសសង្គ្រាម ពេលនេះមានការផ្ទុះហើយនៅក្នុងប្រទេស អ៊ុយក្រែន