ព័ត៌មានអន្ដរជាតិ

១០រឿងសង្ខេបខ្លីពីសង្គ្រាមកំពុងផ្ទុះនៅអ៊ុយក្រែន

បានផុស

៣ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

បន្ទាប់ពីលោកប្រធានាធិបតីរុស្ស៊ី វ្លាឌីមៀរ ពូទីន ប្រកាសពីប្រតិបត្តិការយោធានៅប្រទេសអ៊ុយក្រែន នាព្រឹកថ្ងៃព្រហស្បតិ៍ ទី២៤ ខែកុម្ភៈ នេះ ស្ថានការណ៍បានវិវត្តកាន់តែធ្ងន់ធ្ងរហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងមហាផ្ទៃប្រទេសអ៊ុយក្រែនបាននិយាយថា ការវាយប្រហាររបស់រុស្ស៊ីបានចាប់ផ្តើមហើយដោយមានសេចក្តីរាយការណ៍ថា កងទ័ពបានឆ្លងព្រំដែមន និងសំឡេងផ្ទុះអាវុធបានកើតឡើងនៅក្នុងទីក្រុងជាច្រើន សូម្បីតែនៅទីក្រុងកៀវក៏មានសំឡេងផ្ទុះដែរ។
សារព័ត៌មាន CNN បានរាយការណ៍ថា មានអ្នកស្លាប់ និងរបួសរាប់រយនាក់នៅទូទាំងប្រទេសអ៊ុយក្រែន បន្ទាប់ពីមានការបាញ់មីស៊ីលដ៏សាហាវជាបន្តបន្ទាប់ពីប្រទេសរុស្ស៊ី។
លោក ពូទីន បានព្រមានថា ការឆ្លើយតបរបស់រុស្ស៊ីនឹងធ្វើភ្លាមៗ បើនរណាម្នាក់ព្យាយាមយករុស្ស៊ី ហើយលោកបានជំរុញឲ្យទាហានអ៊ុយក្រែននៅភាគខាងកើតដាក់អាវុធចុះ ហើយត្រឡប់ទៅផ្ទះវិញ។
ប្រធានាធិបតីអ៊ុយក្រែន លោក Volodymyr Zelensky បានដាក់ចេញច្បាប់អាជ្ញាសឹកនៅទូទាំងប្រទេសនៅថ្ងៃព្រហស្បតិ៍នេះ និងជំរុញឲ្យប្រជាពលរដ្ឋស្ងប់ស្ងាត់។ លោកមានប្រសាសន៍ថា លោកបានព្យាយាមហៅទូរសព្ទទៅលោក ពូទីន ដើម្បីកិច្ចពិភាក្សា ប៉ុន្តែមិនបានជោគជ័យឡើយ។
លោកបានលើកឡើងថា ការវាយប្រហារអាចចាប់ផ្តើមសង្គ្រាមដ៏ធំមួយនៅឧបទ្វីបអឺរ៉ុប។
ប្រធានាធិបតីសហរដ្ឋអាមេរិក លោក ចូ បៃដិន បានប្តេជ្ញាថា ពិភពលោកនឹងឲ្យរុស្ស៊ីទទួលខុសត្រូវ និងបានព្យាករពីការបាត់បង់ជីវិតមនុស្ស។
ប្រធានាអង្គការណាតូ លោក Jens Stoltenberg បាននិយាយថា ប្លុកណាតូឈរខាងអ៊ុយក្រែននៅក្នុងកាលៈទេសៈដ៏លំបាកនេះ និងចាត់វិធានការដើម្បីការពារសម័្ពន្ធមិត្តទាំងអស់។
ស្របពេលជាមួយគ្នានេះ ស្ថានទូតចិននៅប្រទេសអ៊ុយក្រែនព្រមានឲ្យពលរដ្ឋរបស់ខ្លួនកុំចេញទៅណា និងរាល់ការប្រើរថយន្តត្រូវដាក់ទង់ជាតិចិនដើម្បីសុវត្ថិភាព។
ស្ថានទូតអាមេរិកនៅទីក្រុងគៀវបានប្រាប់ពលរដ្ឋអាមេរិកឲ្យស្ថិតនៅទីជម្រកដើម្បីការពារខ្លួន។
ចំណែកមេដឹកនាំអឺរ៉ុបបានជំរុញឲ្យដាក់ទណ្ឌកម្មខ្លាំងក្លាលើប្រទេសរុស្ស៊ី និងផ្តល់ជំនួយដល់អ៊ុយក្រែន៕