បើព្រមចុះចាញ់ ទ័ព អ៊ុយក្រែន នៅតំបន់ដែល រុស្ស៊ី ទទួលស្គាល់ឯករាជ្យ នឹងរួចខ្លួន

ប្រមុខសាធារណរដ្ឋប្រជាមានិត Donetsk (DPR) និងសាធារណរដ្ឋប្រជាមានិត Lugansk (LPR) បានប្រកាសថា ទាហានអ៊ុយក្រែននៅតំបន់ទាំងពីរនេះដែលទទួលស្គាល់ឯករាជ្យដោយប្រទេសរុស្ស៊ីកាលពីពេលថ្មីៗនេះ នឹងទទួលបានការលើកលែងទោស និងមិនមានគ្រោះថ្នាក់នោះទេ បើសិនជាយល់ព្រមចុះចាញ់ ។

កាប្រកាសនេះបានកើតឡើង ស្របពេលដែលរុស្ស៊ីកំពុងបាញ់ផ្លោងមីស៊ីលដ៏សាហាវជាបន្តបន្ទាប់ទៅកាន់ប្រទេសអ៊ុយក្រែន និងបណ្ដាលឲ្យមានមនុស្សស្លាប់ និងរបួសរាប់រយនាក់នៅថ្ងៃព្រហស្បតិ៍នេះ ។

គួរបញ្ជាក់ថា ការបាញ់មីស៊ីលល្បឿនលឿនជាងសំឡេងរបស់រុស្ស៊ី និងការផ្ទុះត្រូវបានគេឃើញនៅក្នុងទីក្រុងនានាទូទាំងប្រទេសអ៊ុយក្រែនរួមទាំងរដ្ឋធានី Kyiv ផងដែរ បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រកាសថា “ប្រតិបត្តិការយោធាពិសេស” កំពុងដំណើរការនៅក្នុងតំបន់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ស្លាប់ និងរបួសរាប់រយនាក់ បន្ទាប់ពី រុស្ស៊ី បាញ់មីស៊ីល ដ៏សាហាវទៅ អ៊ុយក្រែន (មានវីដេអូ)

ចុចអាន ៖ ប្រជាជន អ៊ុយក្រែន សម្រុកចាកចេញពីទីក្រុង គៀវ និងដកលុយពីទូ ATM (មានវីដេអូ)