ព័ត៌មានអន្ដរជាតិ

ចាប់ខ្លួនក្រុមអ្នកតវ៉ារាប់សិបនាក់ ប្រឆាំងសង្គ្រាម រុស្ស៊ី

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

ក្រុមអ្នកឃ្លាំមើលឯករាជ្យ បាននិយាយកាលពីថ្ងៃព្រហស្បតិ៍ថា ជនជាតិរុស្សីរាប់សិបនាក់ ត្រូវបានឃុំខ្លួន នៅក្នុងទីក្រុងនានាទូទាំងប្រទេស ក្រោយការតវ៉ាប្រឆាំងនឹងសង្គ្រាមអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រឃ្លាំមើលរបស់ប៉ូលិស OVD-Info បានរាយការណ៍ពីការឃុំខ្លួនក្រុមបាតុករជិត ១០០ នាក់ នៅទីក្រុងមូស្គូ , Petersburg និងទីក្រុងផ្សេងទៀតរបស់រុស្ស៊ី ដោយសារតែពួកគេ ប្រមូលផ្ដុំគ្នារើសអើង ប្រឆាំងសង្គ្រាមទោល។

សកម្មជនសិទ្ធិមនុស្សដ៏ល្បីល្បាញ Marina Litvinovich បានអំពាវនាវជនជាតិរុស្ស៊ីចូលរួម ដើរប្រឆាំងនឹងសង្គ្រាមនៅម៉ោង ៧យប់ (ម៉ោងនៅទីក្រុងមូស្គូ) រួមទាំងនៅទីលាន Pushkin នៅកណ្ដាលទីក្រុងមូស្គូ។ ភ្លាមៗនោះ អាជ្ញាធរបានឃុំខ្លួន Litvinovich នៅខាងក្រៅផ្ទះរបស់នាង។ ក្រោយមក បាតុករប្រឆាំងសង្គ្រាមជាច្រើននាក់ ដែលបានប្រមូលផ្តុំគ្នានៅស្ថានទូតអ៊ុយក្រែន ក្នុងទីក្រុងមូស្គូត្រូវបានឃុំខ្លួនដូចគ្នា។

យោងតាមគេហទំព័រព័ត៌មាន Znak.com បានឲ្យដឹងថា នៅក្នុងទីក្រុងធំទីបួន Yekaterinburg របស់ប្រទេសរុស្ស៊ី មនុស្សជាង ១០០ នាក់បានចូលរួមក្នុងការតវ៉ាប្រឆាំងសង្គ្រាម។ រដ្ឋអាជ្ញាក្រុងមូស្គូបានព្រមានថា ការប្រមូលផ្ដុំគ្នាដែលគ្មានការអនុញ្ញាតគឺខុសច្បាប់ ហើយនឹងនាំទៅរក “ផលវិបាកអវិជ្ជមាន” ហើយគណៈកម្មាធិការស៊ើបអង្កេតសហព័ន្ធបានចេញការព្រមានពិសេស ដល់បាតុករប្រឆាំងសង្គ្រាម ថា “មិនអនុញ្ញាត” ។

ការតវ៉ានេះស្ថិតក្នុងចំណោមការបង្ហាញជាច្រើន នៃការតស៊ូជាសាធារណៈ ចំពោះការវាយលុករបស់យោធាទៅលើប្រទេសជិតខាង ដែលគាំទ្រលោកខាងលិចរបស់រុស្ស៊ី។

គួរបញ្ជាក់ថា ឥស្សរជនវប្បធម៌ប៉ុបរុស្ស៊ី តារាល្បី អ្នកកាសែត ឥស្សរជនវប្បធម៌ និងអ្នកវិទ្យាសាស្ត្រទាំងអស់ បានសម្ដែងការប្រឆាំងទៅនឹងសង្គ្រាម ចាប់តាំងពីប្រធានាធិបតី វ្ល៉ាឌីមៀ ពូទីន បានប្រកាសនៅព្រឹកថ្ងៃព្រហស្បតិ៍ ៕

ប្រែសម្រួល៖ សាង ស្រីល័ក្ខ

ប្រភព៖themoscowtimes

ចុចអាន៖មនុស្សរាប់ម៉ឺននាក់ក្នុងទីក្រុងធំៗទូទាំងពិភពលោកតវ៉ាឲ្យរុស្ស៊ីបញ្ឈប់សង្គ្រាម