ព័ត៌មានអន្ដរជាតិ

អង់គ្លេស ស្នើដកម្ចាស់ក្លឹប Chelsea ក្រោយពិភពលោកផ្ដាច់ទំនាក់ទំនងសឹងទាំងអស់ជាមួយ រុស្ស៊ី

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

ខណៈសង្គ្រាមរុស្ស៊ី – អ៊ុយក្រែន កំពុងតែផ្ទុះឡើង ធ្វើឲ្យពិភពលោកងាកមកមើល និងចេញមកធ្វើចលនាយ៉ាងខ្លាំងក្លា ស្របពេលពិភពបាល់ទាត់ ក៏កំពុងចាប់ផ្ដើមពុះកញ្ជ្រោលក្នុងរឿងនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង ក្លឹបបាល់ទាត់លើពិភពលោក បានចាប់ផ្ដើមដកការឧបត្ថម្ភពីប្រទេសរុស្ស៊ីជាបណ្តើរៗហើយ ដោយក្លឹបបិសាចក្រហម Manchester United បានលុបចោលកិច្ចសន្យារយៈពេល ១៨ខែរបស់ពួកគេ ជាមួយនឹងក្រុមហ៊ុនអាកាសចរណ៍រុស្ស៊ី Aeroflot ខណៈក្លឹប Schalke ដែលជាក្លឹបដ៏ល្បីល្បាញចំនួន ៤ នៅអាល្លឺម៉ង់ ក៏បានប្រកាសថា ខ្លួនកាត់ផ្ដាច់ទំនាក់ទំនងជាមួយក្រុមហ៊ុនថាមពលរុស្ស៊ី Gazpromដូចគ្នា។

ដោយឡែក នាពេលថ្មីៗនេះលោក Chris Bryant សមាជិកសភាមកពីគណបក្សការងារ នៃចក្រភពអង់គ្លេស បានអំពាវនាវឲ្យមានការរឹបអូសទ្រព្យសម្បត្តិ លោក Roman Abramovich ដោយនិយាយថា គាត់មិនគួរក្លាយជាម្ចាស់ក្លឹប Chelsea ទៀតទេ និងលើកឡើងពីការព្រួយបារម្ភ ជុំវិញការជាប់ពាក់ព័ន្ធរបស់គាត់ ជាមួយរដ្ឋាភិបាលរុស្ស៊ី។

លោក Bryant បានថ្លែងក្នុងកិច្ចប្រជុំក្រុមប្រឹក្សាទូទៅថ្ងៃនេះថា បានទទួលឯកសារបែកធ្លាយ ពីកំណត់ត្រារបស់ក្រសួងមហាផ្ទៃក្នុងឆ្នាំ ២០១៩ ដែលបង្ហាញពីការងារលាងលុយខុសច្បាប់របស់លោក Abramovich ជាមួយរដ្ឋាភិបាលរុស្ស៊ី។

លោកបន្ថែមថា “ជាផ្នែកនៃយុទ្ធសាស្ត្ររុស្ស៊ីរបស់រដ្ឋាភិបាលអង់គ្លេស ហិរញ្ញវត្ថុខុសច្បាប់ និងសកម្មភាពព្យាបាទជាគោលដៅរបស់ Abramovich នៅតែស្ថិតក្នុងការឃ្លាំមើលរបស់រដ្ឋាភិបាលចក្រភពអង់គ្លេស។ ដោយសារគាត់មានទំនាក់ទំនងជាមួយរដ្ឋាភិបាលរុស្ស៊ី ដែលគេដឹងថា ជាប់ពាក់ព័ន្ធនឹងអំពើពុករលួយ»។ ជាឧទាហរណ៍ លោក Abramovich បានសារភាពនៅក្នុងដំណើរការតុលាការថា គាត់បានចំណាយសម្រាប់ឥទ្ធិពលនយោបាយ ដូច្នេះការផ្តោតរបស់យើង គឺលើការធានាថា បុគ្គលដែលមានទំនាក់ទំនងជាមួយហិរញ្ញវត្ថុខុសច្បាប់ និងសកម្មភាពព្យាបាទ មិនអាចបង្កើតឡើង ឬរស់នៅក្នុងចក្រភពអង់គ្លេស ហើយនឹងប្រើប្រាស់ច្បាប់ពាក់ព័ន្ធ និងអំណាចអន្តោប្រវេសន៍ដើម្បីការពារបញ្ហានេះ។ ”

គួរបញ្ជាក់ថា កាលពីដើមសប្ដាហ៍នេះ នាយករដ្ឋមន្ត្រីអង់គ្លេសលោក Boris Johnson បានប្រកាសថា ខ្លួននឹងដាក់ទណ្ឌកម្មលើមហាសេដ្ឋីចំនួនបីនាក់ ដែលមានទំនាក់ទំនងជិតស្និទ្ធជាមួយប្រធានាធិបតី Putin ដែលជាផ្នែកនៃយុទ្ធនាការរបស់ចក្រភពអង់គ្លេស ចំពោះការឆ្លើយតប ទៅនឹងសកម្មភាពរបស់រុស្ស៊ី នៅ អ៊ុយក្រែន៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អ៊ុយក្រែន បាញ់ទម្លាក់យន្តហោះ រុស្ស៊ី នៅទីក្រុងគៀវ ឆេះលើអគារ ផ្ទះល្វែង

ចុចអាន៖ចាប់ខ្លួនក្រុមអ្នកតវ៉ារាប់សិបនាក់ ប្រឆាំងសង្គ្រាម រុស្ស៊ី

Related Topics:ប្រទេសរុស្ស៊ី