ព័ត៌មានអន្ដរជាតិ

រុស្ស៊ី កម្ទេចសព្វាវុធយោធា អ៊ុយក្រែន រាប់សិបគ្រឿង ក្នុងសង្គ្រាម ២ ថ្ងៃមកនេះ

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

ក្រសួងការពារជាតិរបស់រុស្ស៊ីបាននិយាយថា រថយន្តយោធាអ៊ុយក្រែនចំនួន ៤១ គ្រឿង រថក្រោះ និងរថពាសដែកប្រយុទ្ធ ១៨ គ្រឿង ប្រព័ន្ធរ៉ុកកែត ៧ គ្រឿង និងទូកប្រយុទ្ធចំនួន ៥ គ្រឿងត្រូវបានបំផ្លាញដោយកងកម្លាំងរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យយោធារុស្ស៊ីលោកឧត្តមសេនីយឯក Igor Konashenkov បាននិយាយនៅថ្ងៃសុក្រនេះថា ទាហានឆ័ត្រយោងរុស្ស៊ីក៏បានកាន់កាប់តំបន់នៃរោងចក្រថាមពលនុយក្លេអ៊ែរ Chernobyl ដែលមានទីតាំងប្រហែល ១០០ គីឡូម៉ែត្រពីរដ្ឋធានី គៀវ របស់អ៊ុយក្រែន។

ក្រសួងការពារជាតិក៏បានរាយការណ៍ផងដែរថា កងពលតូចទី ៣៦ នៃកងកម្លាំងអ៊ុយក្រែន រួមជាមួយទាហាន ៨២ នាក់នៅលើកោះពស់ក្នុងសមុទ្រខ្មៅបានលើកទង់ ស ចុះចាញ់ ខណៈឆ្មាំព្រំដែន ១៣ នាក់លើកោះនេះត្រូវបានសម្លាប់ និង ១៣៧ នាក់បានស្លាប់នៅទូទាំងប្រទេស ។

ដំណឹងនេះកើតមានឡើង ចំពេលមានប្រតិបត្តិការពិសេសមួយដែលត្រូវបានបញ្ជាដោយប្រធានាធិបតីរុស្ស៊ីលោក វ្ល៉ាឌីមៀរ ពូទីន ទៅលើអ៊ុយក្រែនកាលពីថ្ងៃព្រហស្បតិ៍ ខណៈប្រមុខរដ្ឋរុស្ស៊ីរូបនេះបាននិយាយថា លោកបានធ្វើការសម្រេចចិត្តបែបនេះ បន្ទាប់ពីសាធារណរដ្ឋប្រជាមានិត Donetsk និង Lugansk ដែលបានប្រកាសឯករាជ្យរបស់ពួកគេពីអ៊ុយក្រែនក្នុងឆ្នាំ ២០១៤ បានស្នើសុំជំនួយពីទីក្រុងមូស្គូ ៕