ទាហានរុស្ស៊ីជាង ១ពាន់នាក់ហើយ បានស្លាប់ក្នុងការប្រយុទ្ធជាមួយ អ៊ុយក្រែន

ក្រសួងការពារជាតិអ៊ុយក្រែនបាននិយាយកាលពីថ្ងៃសុក្រទី២៥ខែកុម្ភៈថា ចាប់តាំងពីរុស្ស៊ីវាយលុកប្រទេសរបស់ខ្លួនកាលពីព្រឹកថ្ងៃព្រហស្បតិ៍មក កងកម្លាំងអ៊ុយក្រែនបានសម្លាប់ទាហានរុស្ស៊ីជាង១ ០០០នាក់ហើយ។ នេះបើយោងតាមការចុះផ្សាយរបស់ រ៉យទ័រ។

លើសពីនេះ អ៊ុយក្រែនបានបំផ្លាញរថក្រោះរុស្ស៊ីជាង៣០គ្រឿង យន្តហោះ៧គ្រឿង និងឧទ្ធម្ភាគចក្រចំនួន៦គ្រឿងទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីយប់ថ្ងៃសុក្រដដែលនោះ កងកម្លាំងប្រដាប់អាវុធរបស់ប្រទេសអ៊ុយក្រែន បាននិយាយថា ពួកគេបានបាញ់ទម្លាក់យន្តហោះយោធារុស្ស៊ីមួយគ្រឿង ដែលដឹកទាហានឆ័ត្រយោងចំនួន ១៥០នាក់នៅជាយក្រុង គៀវ។

យោធាអ៊ុយក្រែននិយាយថា យន្តហោះមួយគ្រឿងនេះបានធ្លាក់នៅជិតតំបន់ Vasylkiv ដែលមានចម្ងាយជាង ៣០គីឡូម៉ែត្រភាគខាងត្បូងទីក្រុង គៀវ៕

ប្រែសម្រួល៖ Vann Vann

ប្រភព៖ Reuters

ចុចអាន៖ កងទ័ពរុស្ស៊ី ចូលដល់ទីក្រុង គៀវ ហើយ ពេលនេះកំពុងបាញ់គ្នាខ្លាំងក្លា