Breaking News! ទីក្រុងធំទី ២ របស់ អ៊ុយក្រែន កំពុងវាយសម្រុកចូល ដោយកងកម្លាំង រុស្ស៊ី

យោងតាមមន្ត្រីក្នុងតំបន់បានឲ្យដឹងថា កងកម្លាំងអ៊ុយក្រែនកំពុងប្រយុទ្ធជាមួយទាហានរុស្ស៊ីនៅតាមដងផ្លូវនៃទីក្រុង Kharkiv ដែលជាទីក្រុងធំទី ២ របស់អ៊ុយក្រែន ស្ថិតនៅភាគឦសាននៃប្រទេស ។

អភិបាលក្រុងលោក Oleh Sinegubov បាននិយាយថា រថយន្តធុនស្រាលបានចូលមកក្នុងទីក្រុង ខណៈដែលលោកបានជំរុញអ្នកស្រុកចំនួន ១.៤ លាននាក់ឲ្យស្នាក់នៅក្នុងផ្ទះ ។

ការវាយសម្រុកចូលនេះ​បាន​កើត​ឡើង​ បន្ទាប់​ពី​កាំជ្រួចមីស៊ីល​បានបន្តបាញ់ដូចទឹកភ្លៀង​ពេញ​មួយ​យប់ ខណៈសេវាសង្គ្រោះបន្ទាន់បាននិយាយថា អគារលំនៅដ្ឋាន ៩ ជាន់ត្រូវបានវាយប្រហារ ។

អគារនេះត្រូវបានខូចខាតយ៉ាងធ្ងន់ធ្ងរ ហើយស្ត្រីចំណាស់ម្នាក់ត្រូវបានសម្លាប់ ប៉ុន្តែក្រុមអ្នកជួយសង្គ្រោះបាននិយាយថា មនុស្សប្រហែល ៦០ នាក់បានរួចជីវិត ខណៈដែលពួកគេបានភៀសខ្លួននៅក្នុងបន្ទប់ក្រោមដី ។

បើយោងតាមទីភ្នាក់ងារទំនាក់ទំនងរដ្ឋអ៊ុយក្រែនបានឲ្យដឹងថា ទាហានរុស្ស៊ីក៏បានបំផ្ទុះបំពង់បង្ហូរឧស្ម័នធម្មជាតិនៅក្បែរនោះផងដែរដែរ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ អតីតប្រធានាធិបតី អ៊ុយក្រែន ថា “ពិភពលោកកុំខ្លាច ពូទីន”