ព័ត៌មានអន្ដរជាតិ

ហុងកុងជួបបញ្ហារក្សាសព និងកន្លែងបញ្ចុះសព ខណៈការស្លាប់ដោយកូវីដកើនឡើង

បានផុស

៣ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

បរិក្ខាសម្រាប់រក្សាសកសពនៅមន្ទីរពេទ្យ និងកន្លែងបញ្ចុះសពនៅទីក្រុងហុងកុងកំពុងបញ្ហាលំបាកនៅពេលចំនួននៃការឆ្លងកូវីដ-១៩ និងស្លាប់ថ្មីជាប់កំណត់ត្រាកំពុងកើនឡើង ខណៈអាជ្ញាធរកំពុងព្យាយាមទប់ស្កាត់។

លោក Tony Ling ប្រធានសមាគមវេជ្ជបណ្ឌិតសាធារណៈរបស់ទីក្រុងបាននិយាយថា សាកសពជាច្រើនកំពុងរង់ចាំនៅបន្ទប់គ្រោះថ្នាក់ និងអាសន្នរបស់មន្ទីរពេទ្យទូទាំងទីក្រុងដើម្បីដឹកទៅកន្លែងទីឋានបញ្ចុះសព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមានប្រសាសន៍ទៀតថា ៖«សាកសពទាំងនោះឥឡូវនេះរក្សាទុកលើសពេលកំណត់ដើម្បីរងចាំការប្រមូល ពីព្រោះធនធានមានកំណត់»ដោយសារខ្វះកម្លាំង និងខ្វះសមត្ថភាពរក្សាទុក។

ករណីស្លាប់ពាក់ព័ន្ធនឹងកូវីដ-១៩ជាង៦០០នាក់នៅទីក្រុងហុងកុងចាប់តាំងពីជំងឺនេះបានចាប់ផ្តើមឡើងកាលពីឆ្នាំ២០២០ ដែលតិចជាងទីក្រុងធំៗផ្សេងទៀត។

ទោះបីជាយ៉ាងណា ចំនួនបានកើនឡើងរហូតជាប់កំណត់ត្រាគឺ៨៣នាក់កាលពីថ្ងៃអាទិត្យ។ ករណីស្លាប់ប្រហែលជា៣០០នាក់កាលពីសប្តាហ៍មុនដែលអ្នកស្លាប់ភាគច្រើនគឺជាអ្នកមិនទាន់ចាក់វ៉ាក់សាំង។

ទីក្រុងហុងកុងមានសមាសមាត្រនៃមនុស្សចាស់អត់ចាក់វ៉ាក់សាំងយ៉ាងច្រើន បើទោះជាថ្មីៗជំរុញក្នុងការបង្កើនចាក់ក៏ដោយ។ ភាគច្រើនអ្នកទាំងនោះស្ទាក់ស្ទើរក្នុងការចាក់ដោយសារព្រួយបារម្ភពីផលប៉ះពាល់។

អ្នកជំនាញសុខភាពបាននិយាយថា ទីក្រុងដែលមានប្រជាជន៧.៤លាននាក់អាចមានអ្នកស្លាប់កើនឡើងដល់៣២០៦នាក់ត្រឹមពាក់កណ្តាលខែឧសភាខាងមុខនេះ៕

ប្រែសម្រួល៖ វីរបុត្រ
ប្រភព៖ reuters

Related Topics:ទីក្រុង ហុងកុង