ព័ត៌មានអន្ដរជាតិ
អាហ្ស៊ែបៃហ្សង់និងអាមេនីយល់ព្រមលើបទឈប់បាញ់មនុស្សធម៌ថ្មី
ជាថ្មីម្តងទៀត ប្រទេសអាមេនីនិងអាហ្ស៊ែបៃហ្សង់បានយល់ព្រមគោរពបទឈប់បាញ់មនុស្សធម៌នៅក្នុងជម្លោះដែនដី Nagorno-Karabakh។ នេះយោងតាមសេចក្តីថ្លែងការណ៍រួមពីក្រសួងការបរទេសសហរដ្ឋអាមេរិកនិងរដ្ឋាភិបាលប្រទេសទាំងពីរ។
សេចក្តីថ្លែងការណ៍បាននិយាយកាលពីថ្ងៃអាទិត្យថា បទឈប់បាញ់នេះនឹងចូលជាធរមាននៅម៉ោង៨ព្រឹកថ្ងៃចន្ទ។
![](https://kampucheathmey.com/wp-content/uploads/2020/10/d180eacfb3c7b118d125ffa5598b9580.jpg)
នៅក្នុងសេចក្តីថ្លែងការណ៍ដាច់ដោយឡែកមួយ OSCE Minsk Group ដែលបង្កើតឡើងដើម្បីសម្រុះសម្រួលជម្លោះហើយដឹកនាំដោយប្រទេសបារាំង រុស្ស៊ីនិងសហរដ្ឋអាមេរិកបាននិយាយថា សហប្រធាននិងរដ្ឋមន្ត្រីការបរទេសរបស់ខ្លួននឹងជួបគ្នាម្តងទៀតនៅថ្ងៃទី២៩ខែតុលាដើម្បីពិភាក្សាអំពីបញ្ហា Nagorno-Karabakh។
សេចក្តីថ្លែងការណ៍មួយពីក្រុមនេះបាននិយាយថា “នៅក្នុងកិច្ចពិភាក្សាដ៏ក្តៅគគុក សហប្រធាននិងរដ្ឋមន្រ្តីការបរទេសបានពិភាក្សា អនុវត្តបទឈប់បាញ់មនុស្សធម៌ជាបន្ទាន់ដែលអាចធ្វើទៅបានសម្រាប់ការឃ្លាំមើលបទឈប់បាញ់និងការចាប់ផ្តើមពិភាក្សាលើធាតុសំខាន់ៗនៃដំណោះស្រាយគ្រប់ជ្រុងជ្រោយ”។
បទឈប់បាញ់មុននេះត្រូវបញ្ចប់កាលពីថ្ងៃសៅរ៍មុនពេលដែលភាគីនីមួយៗបានចោទប្រកាន់គ្នាទៅវិញទៅមកពីការរំលោភបំពាន។
![](https://kampucheathmey.com/wp-content/uploads/2020/10/55391973_101.jpg)
កាលពីថ្ងៃអាទិត្យ ក្រសួងការពារជាតិនៃតំបន់ Nagorno-Karabakh បាននិយាយថា ខ្លួនបានកត់ត្រាការស្លាប់មនុស្សចំនួន១១នាក់ផ្សេងទៀតក្នុងចំណោមកងកម្លាំងរបស់ខ្លួនដែលនាំឲ្យចំនួនយោធាស្លាប់ឡើងដល់៩៧៤នាក់ចាប់តាំងពីការប្រយុទ្ធគ្នាជាមួយកងកម្លាំងអាហ្ស៊ែបៃហ្សង់ផ្ទុះឡើង។
ចំណែកអាហ្ស៊ែបៃហ្សង់បាននិយាយថា ជនស៊ីវិលរបស់ខ្លួនចំនួន៦៥នាក់ត្រូវបានសម្លាប់និង២៩៨នាក់រងរបួសប៉ុន្តែមិនបានបង្ហាញតួលេខស្លាប់និងរបួសរបស់យោធាខ្លួនទេ៕
ប្រែសម្រួលដោយ៖ Vann Vann
ប្រភព៖ Al Jazeera
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៥ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?