ស្អែកនេះ សហរដ្ឋអាមេរិកចាប់ផ្តើមយុទ្ធនាការជាប្រវត្តិសាស្រ្តកម្ចាត់ជំងឺកូវីដ

សាធារណជនអាមេរិកនឹងចាប់ផ្តើមទទួលបានវ៉ាក់សាំងការពារវីរុសកូរ៉ូណារបស់ក្រុមហ៊ុន Pfizer / BioNTech ចាប់ពីថ្ងៃចន្ទស្អែកនេះទៅបន្ទាប់ពីវ៉ាក់សាំងនេះត្រូវបានអនុញ្ញាតសម្រាប់ការប្រើប្រាស់ជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Gustave Perna ដែលកំពុងត្រួតពិនិត្យការចែកចាយបានថ្លែងថា វ៉ាក់សាំងចំនួន៣លានដូសដំបូងនឹងត្រូវបញ្ជូនទៅគ្រប់រដ្ឋទាំងអស់នៅចុងសប្តាហ៍នេះ។

វ៉ាក់សាំងនេះបានផ្តល់នូវការការពាររហូតដល់ទៅ៩៥ភាគរយប្រឆាំងនឹងជំងឺកូវីដ១៩ហើយត្រូវបានចាត់ទុកថាមានសុវត្ថិភាពដោយរដ្ឋបាលចំណីអាហារនិងឱសថ (FDA)។

ការអនុញ្ញាតកាលពីថ្ងៃសុក្រឲ្យប្រើប្រាស់វ៉ាក់សាំងរបស់ក្រុមហ៊ុន Pfizer / BioNTech ជាបន្ទាន់ត្រូវបាន FDA ​​ចាត់ទុកថាជា “ព្រឹត្តិការណ៍ជាប្រវត្តិសាស្រ្ត” មួយនៅក្នុងការប្រយុទ្ធប្រឆាំងជាមួយជំងឺរាតត្បាត។

ការចាក់ថ្នាំបង្ការរោគទ្រង់ទ្រាយធំដោយប្រើប្រាក់វ៉ាក់សាំងដូចគ្នានេះបានចាប់ផ្តើមរួចទៅហើយនៅចក្រភពអង់គ្លេស។

ថ្លែងអំពីយុទ្ធនាការចាក់វ៉ាក់សាំង Operation Warp Speed របស់រដ្ឋាភិបាលសហរដ្ឋអាមេរិក លោកឧត្តមសេនីយ៍ Perna បាននិយាយក្នុងសន្និសីទកាសែតកាលពីថ្ងៃសៅរ៍ថា វ៉ាក់សាំងនឹងត្រូវដាក់ចូលទៅក្នុងកុងតឺន័រសម្រាប់ដឹកជញ្ជូនក្នុងរយៈពេល២៤ម៉ោងបន្ទាប់។

លោកបានប្រាប់ក្រុមអ្នកសារព័ត៌មានថា លោកមានភាពជឿជាក់១០០ភាគរយថា វ៉ាក់សាំងដែលចាំបាច់ដើម្បីកម្ចាត់សត្រូវកូវីដនេះនឹងត្រូវដឹកជញ្ជូនដោយសុវត្ថិភាព៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ យល់ព្រមឲ្យប្រើវ៉ាក់សាំងរបស់ក្រុមហ៊ុន Pfizer តែអាមេរិកទិញពី Moderna ១០០ លានដូសបន្ថែមទៀត

ចុចអាន៖ ខ្លារខិន ៣ ក្បាលធ្វើតេស្ដវិជ្ជមានជំងឺកូវីដ ១៩