ព័ត៌មានអន្ដរជាតិ

អាមេរិកបណ្តេញទូតរុស្ស៊ី១២រូបចេញពី UN បារម្ភសន្តិសុខជាតិ

បានផុស

៣ years មុន

នៅ

ថ្ងៃអង្គារ ១ មីនា ២០២២

ដោយ

សហរដ្ឋអាមេរិកបណ្តេញមន្ត្រីទូតរុស្ស៊ី១២រូបចេញពីអង្គការសហប្រជាជាតិដោយសារបារម្ភសន្តិសុខជាតិ។ នេះបើយោងតាមមន្ត្រីការទូតអាមេរិក និងរុស្ស៊ីបាននិយាយ។

សមាជិកនៃបេសកកម្មរបស់រុស្ស៊ីត្រូវបានស្នើឲ្យចាកចេញពីសហរដ្ឋអាមេរិកចំពោះការពាក់ព័ន្ធនឹងសកម្មភាពដែលមិនមែនជាការទូត។

ឯកអគ្គរដ្ឋទូតរុស្ស៊ីប្រចាំអង្គការសហប្រជាតិ លោក Vassily Nebenzia

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Olivia Dalton អ្នកនាំពាក្យបេសកម្មអាមេរិកបាននិយាយថា ៖«សកម្មភាពនេះស្ថិតនៅក្នុងការអភិវឌ្ឍរយៈពេលជាច្រើនខែមកហើយ»។

លោក Richard Mills ឯកអគ្គរដ្ឋទូតរងរបស់សហរដ្ឋអាមេរិកប្រចាំអង្គការសហប្រជាជាតិបានប្រាប់ក្រុមប្រឹក្សាសន្តិសុខអង្គការសហប្រជាជាតិដោយមិនបញ្ជាក់លំអិតថា ៖«មន្ត្រីទូតរុស្ស៊ីទាំងនោះដែលត្រូវបានស្នើឲ្យចាកចេញពីសហរដ្ឋអាមេរិកពាក់ព័ន្ធនឹងសកម្មភាពដែលមិនសមស្របតាមទំនួលខុសត្រូវ និងកាតព្វកិច្ចរបស់ពួកគេក្នុងនាមជាអ្នកការទូតឡើយ»។

លោកបានបញ្ជាក់ថា ពួកគេត្រូវបានស្នើឲ្យចាកចេញ «ដូច្នេះពួកគេនឹងមិនគ្រោះថ្នាក់ដល់សន្តិសុខនៃប្រទេសដែលជាម្ចាស់ផ្ទះ»។ លោកបន្ថែមថា ការសម្រេចចិត្តនេះត្រូវបានធ្វើឡើងដោយអនុលោមទៅតាមកិច្ចព្រមព្រៀងនៅទីស្នាក់ការអង្គការសហប្រជាជាតិ។

ឯកអគ្គរដ្ឋទូតរុស្ស៊ីប្រចាំអង្គការសហប្រជាតិ លោក Vassily Nebenzia បានប្រាប់អ្នកសារព័ត៌មានថា ពួកគាត់ត្រូវបានស្នើសុំឲ្យចាកចេញត្រឹមថ្ងៃទី៧ខែមីនា៕

ប្រែសម្រួល៖ វីរបុត្រ
ប្រភព៖ BBC