លោក ពូទីន អាចបញ្ឈប់ការទម្លាក់គ្រាប់បែកលើជនស៊ីវិល អ៊ុយក្រែន

ប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយថា លោកអាចនឹងយល់ព្រមបញ្ឈប់រាល់ការទម្លាក់គ្រាប់បែកលើជនស៊ីវិល និងតំបន់លំនៅដ្ឋានរបស់អ៊ុយក្រែន ។

លោក វ្ល៉ាឌីមៀ ពូទីន បានធ្វើអត្ថាធិប្បាយបែបនេះ ក្នុងអំឡុងពេលពិភាក្សាជាមួយប្រធានាធិបតីបារាំង Emmanuel Macron ។

ទន្ទឹមនោះ ការិយាល័យរបស់លោក Macron បាននិយាយថា លោក Macron បានជំរុញឲ្យលោក ពូទីន បញ្ឈប់រាល់ការវាយប្រហារលើជនស៊ីវិលក្នុងប្រទេសអ៊ុយក្រែន ថែរក្សាហេដ្ឋារចនាសម្ព័ន្ធស៊ីវិល និងផ្តល់នូវការចូលទៅកាន់ផ្លូវសំខាន់ៗ ជាពិសេសភាគខាងត្បូងនៃទីក្រុងគៀវ ។

វិមាន Elysee បាននិយាយថា “ប្រធានាធិបតី ពូទីន បានបញ្ជាក់ពីឆន្ទៈរបស់គាត់ក្នុងការប្តេជ្ញាចិត្តលើចំណុច ៣ នេះ ហើយមេដឹកនាំ​ទាំង​ពីរ​ក៏​បាន​យល់ព្រម​បន្ត​ទាក់ទង​គ្នា​នៅ​ប៉ុន្មាន​ថ្ងៃ​ខាង​មុខ​ទៀតផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Express

ចុចអាន ៖ ការចរចារវាង អ៊ុយក្រែន-រុស្ស៊ី ឈានដល់ “ការសម្រេចចិត្តជាក់លាក់”