អូស្រ្តាលី ផ្តល់ជំនួយជាអាវុធស្មើនឹងទឹកប្រាក់ ៥០លានដុល្លារអាមេរិក ដល់ អ៊ុយក្រែន

ប្រទេសអូស្ត្រាលី នឹងផ្តល់ជំនួយផ្នែកយោធាគិតជាទំហំទឹកប្រាក់ស្មើនឹង ៧០លានដុល្លារអូស្ត្រាលី (៥០លានដុល្លារអាមេរិក) ដល់ប្រទេស អ៊ុយក្រែន។

លោកនាយករដ្ឋមន្ត្រី Scott Morrison បាននិយាយនៅថ្ងៃអង្គារទី០១ខែមីនានេះថា ទាំងនេះគឺជាជំនួយអាវុធធុនធ្ងន់ និងធុនស្រាល។

លោកបាននិយាយថា “យើងកំពុងនិយាយអំពីមីស៊ីល គ្រាប់រំសេវ ហើយយើងកំពុងនិយាយអំពីការគាំទ្រដល់ពួកគេ ក្នុងការការពារទឹកដីកំណើតរបស់ពួកគេនៅអ៊ុយក្រែន”។

ទោះបីជាយ៉ាងណាក៏ដោយ លោក​បដិសេធ​និយាយ​លម្អិត​អំពី​លក្ខណៈ​ជាក់លាក់នៃអាវុធទាំងនោះ ​ដោយអះអាងថា ​លោក​មិន​ចង់​ឲ្យ​រុស្ស៊ី​ដឹង។

ស្របពេលជាមួយគ្នានោះ លោក Morrison ក៏បាននិយាយផងដែរថា រដ្ឋាភិបាលរបស់លោក នឹងផ្តល់ជំនួយមនុស្សធម៌ចំនួន៣៥លានដុល្លារអូស្ត្រាលី ដល់ប្រទេសអ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ សារឆ្លើយឆ្លងចុងក្រោយរវាងទាហានរុស្ស៊ី ជាមួយម្តាយមុនពេលស្លាប់ អានហើយរំជួលចិត្ត