រុស្ស៊ី បាញ់ផ្លោងលើមូលដ្ឋានយោធា សម្លាប់ទាហានអ៊ុយក្រែន ៧០នាក់

ក្រុមមន្ត្រីអ៊ុយក្រែនទើបតែបានបញ្ជាក់ថា ទាហានយ៉ាងតិច ៧០ នាក់ ត្រូវបានសម្លាប់នៅក្នុងការវាយប្រហារដោយការបាញ់ផ្លោងរបស់រុស្ស៊ី លើមូលដ្ឋានយោធារបស់ពួកគេកាលពីថ្ងៃអាទិត្យទី២៧ខែកុម្ភៈ។

ការវាយប្រហារនេះ កើតឡើងនៅទីក្រុង Okhtyrka ក្នុងតំបន់ Sumy ដែលបច្ចុប្បន្នស្ថិតនៅក្រោមការឡោមព័ទ្ធដោយកងកម្លាំងរុស្ស៊ី។ កាល​ពី​ថ្ងៃ​ចន្ទ ក្រុម​បុគ្គលិក​សង្គ្រោះ​បន្ទាន់​នៅ​តែ​រុះរើ​គំនរ​បាក់បែក ​ដោយ​ព្យាយាម​ស្វែង​រក​អ្នក​នៅ​រស់រាន​មាន​ជីវិត។

សភា​អ៊ុយក្រែន​ទើបតែ​បាន​បង្ហោះ​សារ​គោរព​វិញ្ញាណក្ខន្ធ​ទាហាន​ដោយ​និយាយ​ថា “សូមគោរព​ចំពោះ​វីរបុរស​អ៊ុយក្រែន”។ សភានិយាយថា ពួកគេត្រូវបានសម្លាប់ដោយមីស៊ីល Grad ៕

ប្រែសម្រួល៖ Vann Vann

ប្រភព៖ BBC

ចុចអាន៖ អូស្រ្តាលី ផ្តល់ជំនួយជាអាវុធស្មើនឹងទឹកប្រាក់ ៥០លានដុល្លារអាមេរិក ដល់ អ៊ុយក្រែន