ព័ត៌មានអន្ដរជាតិ

សេវាកម្មពិសេស អាមេរិក អាចបញ្ជូនភេរវករពី ស៊ីរី ទៅជួយ អ៊ុយក្រែន អំឡុងសង្គ្រាមជាមួយ រុស្ស៊ី

បានផុស

៣ years មុន

នៅ

ថ្ងៃអង្គារ ១ មីនា ២០២២

ដោយ

អនុរដ្ឋមន្ត្រីការបរទេសស៊ីរីលោក Bashar Jaafari បានប្រាប់សារព័ត៌មាន Sputnik ថា សេវាកម្មពិសេសរបស់សហរដ្ឋអាមេរិកអាចបញ្ជូនសមាជិកក្រុម ISIS ក៏ដូចជាក្រុមភេរវករផ្សេងទៀតនៅក្នុងប្រទេសស៊ីរីទៅកាន់ប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Jaafari បាននិយាយថា “ផ្អែកលើការវិភាគ យើងអាចនិយាយបានថា នេះអាចជាការពិត ។ ក្នុងនាមយើងជារដ្ឋមួយ មានភស្តុតាងដែលថា យោធាអាមេរិកក្នុងប្រទេសស៊ីរី កំពុងផ្ទេរភេរវករពីកន្លែងមួយទៅកន្លែងមួយទៀត ជាពិសេសសមាជិកនៃក្រុម IS និងក្រុម Jabhat al-Nusra” ។

លោកបានអះអាងថា សហរដ្ឋអាមេរិកបានផ្ទេរភេរវករពីប្រទេសស៊ីរីទៅអាហ្វហ្គានីស្ថាន និងបួគីណាហ្វាសូ ហើយថា ការប្រើប្រាស់ទាហានស៊ីឈ្នួលគឺជាការអនុវត្តដ៏ល្អរបស់សហរដ្ឋអាមេរិក ។

លោក Jaafari បាននិយាយថា “ដូច្នេះគេមិនគួរភ្ញាក់ផ្អើលទេ ហើយយើងក៏មិនលើកលែងដែរ ដែលថ្ងៃស្អែកពួកភេរវករ IS នឹងត្រូវបញ្ជូនទៅអ៊ុយក្រែនឬយ៉ាងណានោះ” ។ លោកបានបន្ថែមថា រដ្ឋលោកខាងលិចបាននិងកំពុងគាំទ្រពួករ៉ាឌីកាល់ជាតិនិយមនៅអ៊ុយក្រែន ។

គួររំឭកថា រុស្ស៊ីបានចាប់ផ្តើមប្រតិបត្តិការយោធាក្នុងប្រទេសអ៊ុយក្រែនកាលពីចុងខែកុម្ភៈ បន្ទាប់ពីមានការស្នើសុំជំនួយពីសាធារណរដ្ឋប្រជាមានិតនៅ Donbass ។ ក្រសួងការពារជាតិរុស្ស៊ីបាននិយាយថា ប្រតិបត្តិការនេះគឺសំដៅទៅលើហេដ្ឋារចនាសម្ព័ន្ធយោធារបស់អ៊ុយក្រែនតែប៉ុណ្ណោះ ហើយប្រជាជនស៊ីវិលមិនស្ថិតក្នុងគ្រោះថ្នាក់នោះទេ ។

ទន្ទឹមនោះទីក្រុងមូស្គូនិយាយថា ខ្លួនមិនមានគម្រោងកាន់កាប់អ៊ុយក្រែននោះទេ ហើយគោលបំណងនៃប្រតិបត្តិការរបស់ខ្លួនគឺដើម្បីជួយសង្គ្រោះប្រជាជនស៊ីវិលពីអំពើប្រល័យពូជសាសន៍ និងរំដោះសាធារណរដ្ឋប្រជាមានិត Donetsk និង Lugansk (DPR និង LPR) រួមទាំងតាមរយៈគោលការណ៍គ្មានយោធា និងការបំផ្លិចបំផ្លាញនៃប្រទេសអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក បៃដិន ថា ប្រជាជនអាមេរិកកុំខ្លាចសង្គ្រាមនុយក្លេអ៊ែរជាមួយ រុស្ស៊ី លើ អ៊ុយក្រែន