ព័ត៌មានអន្ដរជាតិ
ព្យុះមួយមិនទាន់ផុតផង ពេលនេះវៀតណាមជួបព្យុះមួយទៀត
ព្យុះត្រូពិក Saudel ដែលជាព្យុះទី៨របស់ប្រទេសវៀតណាមក្នុងឆ្នាំ២០២០នេះកំពុងឆ្ពោះទៅតំបន់ភាគកណ្តាលឆៀងខាងជើងរបស់ប្រទេសហើយត្រូវបានគេព្យាករណ៍ថានឹងបន្ថយកម្លាំងបន្ទាប់ពីបង្កឲ្យមានការបាក់ដីខណៈព្យុះមួយទៀតឈ្មោះ Molave កំពុងធ្វើដំណើរឆ្ពោះទៅសមុទ្រវៀតណាមខាងកើត។
មជ្ឈមណ្ឌលព្យាករណ៍ឧតុនិយមជាតិបានឲ្យដឹងថា ព្យុះ Saudel មានទីតាំងនៅចម្ងាយ២៦០គីឡូម៉ែត្រ ដីគោកភាគខាងកើតចន្លោះខេត្ត Ha Tinh និង Quang Tri ដែលបណ្តាលឲ្យមានខ្យល់បោកបក់ក្នុងល្បឿន៦០ទៅ៩០គីឡូម៉ែត្រក្នុងមួយម៉ោងនិងខ្យល់កន្ត្រាក់រហូតដល់១១៧គីឡូម៉ែត្រក្នុងមួយម៉ោង។

ព្យុះនេះនឹងធ្វើដំណើរទៅទិសខាងលិចក្នុងរយៈពេល២៤ម៉ោងក្រោយនិងបណ្តាលឲ្យមានការបាក់ដីនៅតាមបណ្តាខេត្តភាគខាងជើងឆៀងកណ្តាលមុនពេលចុះខ្សោយទៅជាព្យុះត្រូពិកជាមួយខ្យល់បក់ក្នុងល្បឿនក្រោម៤០គីឡូម៉ែត្រក្នុងមួយម៉ោង។
ស្របពេលជាមួយគ្នានោះ គិតត្រឹមម៉ោង៧ព្រឹកថ្ងៃអាទិត្យម្សិលមិញនេះ ព្យុះ Molave កំពុងស្ថិតនៅចម្ងាយ២៣០គីឡូម៉ែត្រភាគខាងកើតប្រទេសហ្វីលីពីនដោយមានខ្យល់បក់ក្នុងល្បឿន៧៥ទៅ៩០គីឡូម៉ែត្រក្នុងមួយម៉ោង។
វានឹងរំកិលខ្លួនទៅទិសពាយព្យក្នុងរយៈពេល២៤ម៉ោងក្រោយហើយបង្កើនកម្លាំងមុនពេលចូលសមុទ្រវៀតណាមខាងកើតក្នុងរយៈពេល២៤ម៉ោងទៅ៤៨ម៉ោងក្រោយ។

បន្ទាប់ពីចូលសមុទ្រវៀតណាមខាងកើត Molave នឹងក្លាយជាព្យុះទី៩របស់ប្រទេសវៀតណាមនៅឆ្នាំនេះនិងជាព្យុះទី៤ដែលវាយប្រហារប្រទេសនេះក្នុងខែតុលា។
ព្យុះ Molave នឹងស្ថិតនៅចម្ងាយ១៧០គីឡូម៉ែត្រដីគោកភាគខាងកើតទីក្រុង Da Nang នៅព្រឹកថ្ងៃពុធ។ ល្បឿនខ្យល់នឹងកើនឡើងដល់ចន្លោះពី១១៥ទៅ១៥០គីឡូម៉ែត្រក្នុងមួយម៉ោង៕
ប្រែសម្រួលដោយ៖ Vann Vann
ប្រភព៖ Tuoi Tre News

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម១ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?