ព័ត៌មានអន្ដរជាតិ
ប្រទេសមួយនេះ គឺជាគោលដៅនៃការវាយលុករបស់លោក ពូទីន បន្ទាប់ពី អ៊ុយក្រែន (មានវីដេអូ)
យោងតាមផែនទីដែលប្រធានាធិបតីបេឡារុសលោក Alexander Lukashenko បង្ហាញក្នុងអំឡុងកិច្ចប្រជុំក្រុមប្រឹក្សាសន្តិសុខរបស់ប្រទេសរបស់គាត់ បានបញ្ជាក់ថា រុស្ស៊ី អាចរៀបផែនការធ្វើសកម្មភាពវាយលុក សាធារណរដ្ឋ ម៉ុលដាវី។

លោក Lukashenko គឺជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ី លោក Vladimir Putin។ លោកថែមទាំងបានអនុញ្ញាតឲ្យលោក Putin ប្រើប្រាស់ប្រទេសបេឡារុស ជាទីតាំងចាប់ផ្តើមសម្រាប់ការលុកលុយអ៊ុយក្រែន ហើយត្រូវបានគេរាយការណ៍ថា គ្រោងនឹងដាក់ពង្រាយកងទ័ពឲ្យចូលក្នុងជម្លោះនេះទៀតផង។
ផែនទីនោះ បានបង្ហាញពីប្រទេសអ៊ុយក្រែនបំបែកទៅជាស្រុកបញ្ជាការប្រតិបត្តិការចំនួនបួន និងមានព្រួញពណ៌ក្រហម ដែលបង្ហាញពីចលនាកងទ័ពតាមការគ្រោងទុក។

ព្រួញមួយក្នុងចំណោមព្រួញទាំងនោះ មានប្រភពចេញពីទីក្រុងកំពង់ផែ Odessa ភាគខាងត្បូងប្រទេសអ៊ុយក្រែន ដែលកងទ័ពរុស្ស៊ីទៅមិនទាន់ដល់ ហើយបញ្ចប់នៅម្ខាងទៀតនៃព្រំដែនប្រទេស ម៉ុលដាវី។
កាលពីខែមករា ចារកម្មអ៊ុយក្រែនបានព្រមានថា រុស្ស៊ីអាចផ្តួចផ្តើមប្រតិបត្តិការក្លែងក្លាយនៅក្នុងប្រទេសម៉ុលដាវី ដើម្បីបង្ហាញអំពីភាពត្រឹមត្រូវនៃការធ្វើអន្តរាគមន៍នៅក្នុងតំបន់ Transnistria ដែលគ្រប់គ្រងដោយក្រុមផ្តាច់ខ្លួនគាំទ្ររុស្ស៊ី។

Transnistria ដែលជាដែនដីតូចចង្អៀតមានប្រជាជនប្រហែល ៤០០ ០០០ នាក់ត្រូវបានទទួលស្គាល់ជាអន្តរជាតិថា ជាផ្នែកមួយនៃប្រទេសម៉ុលដាវី ប៉ុន្តែរដ្ឋាភិបាលម៉ុលដាវី មិនមានសិទ្ធិអំណាចលើសាធារណរដ្ឋដែលបំបែកខ្លួនចាប់តាំងពីឆ្នាំ ១៩៩២ មកនោះទេ។
កងទ័ពរុស្ស៊ីបានឈរជើងនៅតំបន់ Transnistria ចាប់តាំងពីពេលនោះមក។ ហើយក្នុងឆ្នាំ ២០១៤ បន្ទាប់ពីលោក Putin បានកាន់កាប់ឧបទ្វីប Crimea, ប្រធានសភាតំបន់ Transnistria បានស្នើសុំចូលរួមជាមួយរុស្ស៊ី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Yahoo
ចុចអាន៖ អាមេរិកប្រកាសបញ្ចេញប្រេង ៣០លានបារ៉ែលពីស្តុកបម្រុង ដើម្បីជួយទីផ្សារអន្តរជាតិ

-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?