ព័ត៌មានអន្ដរជាតិ
ប្រព័ន្ធការពារដែនអាកាសអ៊ីរ៉ង់រង់ចាំស្វាគមន៍ B-52 របស់អាមេរិក
ប្រទេសអ៊ីរ៉ង់បានព្រមានដល់គូសត្រូវថា ប្រព័ន្ធការពារអាកាសរបស់ខ្លួនកំពុងឃ្លាំមើលនិងស្វាគមន៍ចលនារបស់កងកម្លាំងបរទេសនៅលើប្រទេសនេះ។
យោងតាមមេបញ្ជាការរងនៃទីស្នាក់ការកណ្តាលការពារដែនអាកាស Khatam al-Anbia លោកឧត្តមសេនីយ៍ឯក Qadir Rahimzadeh បានឲ្យដឹងថា យន្តហោះទម្លាក់គ្រាប់បែក B-52 របស់សហរដ្ឋអាមេរិកគឺស្ថិតក្នុងចំណោមការគំរាមកំហែងដែលកំពុងត្រូវបានតាមដានដោយកងទ័ពអ៊ីរ៉ង់។
យោងតាមសារព័ត៌មាន AMN News បានឲ្យដឹងថា លោក Rahimzadeh បាននិយាយថា “រាល់ចលនារបស់កងកម្លាំងបរទេសទាំងអស់នៅក្នុងតំបន់រួមទាំងយន្តហោះទម្លាក់គ្រាប់បែក B-52 ផងដែរ ត្រូវបានត្រួតពិនិត្យក្នុងរយៈចម្ងាយជាង១៥០គីឡូម៉ែត្រពីព្រំដែនអាកាសរបស់ប្រទេសនៅឈូងសមុទ្រពែក្សភាគខាងត្បូង។ ប្រព័ន្ធការពារដែនអាកាសរបស់អ៊ីរ៉ង់បានតាមដានចលនារបស់ពួកគេគ្រប់ពេលវេលា”។
លោកឧត្តមសេនីយ៍ឯកបានធ្វើសេចក្តីប្រកាសនេះកាលពីថ្ងៃសៅរ៍បន្ទាប់ពីមានព័ត៌មាននៅថ្ងៃមុននេះថា យោធាសហរដ្ឋអាមេរិកបានបញ្ជូនយន្តហោះទម្លាក់គ្រាប់បែកយុទ្ធសាស្ត្រ B-52 ចំនួនពីរគ្រឿងទៅកាន់ឈូងសមុទ្រពែក្ស។
មន្ត្រីយោធាបាននិយាយថា បេសកកម្មបង្ហាញសាច់ដុំនេះគឺមានចេតនាកំញើញដល់អ៊ីរ៉ង់និងសម្ព័ន្ធមិត្តរបស់ខ្លួនពីការវាយប្រហារប្រឆាំងនឹងកងទ័ពសហរដ្ឋអាមេរិកនៅតំបន់មជ្ឈិមបូព៌ា។
បេសកកម្មនេះបានកើតឡើងត្រឹមតែប៉ុន្មានសប្តាហ៍ប៉ុណ្ណោះ មុនខួបមួយឆ្នាំក្នុងខែមករានៃការវាយប្រហារដោយយន្តហោះគ្មានមនុស្សបើករបស់អាមេរិកដែលបានសម្លាប់មេបញ្ជាការជាន់ខ្ពស់អ៊ីរ៉ង់លោកឧត្តមសេនីយ៍ឯក Qassim Suleimani។
ភាពតានតឹងក្នុងតំបន់បានកើនឡើងខ្ពស់នៅខែនេះបន្ទាប់ពីមរណភាពរបស់អ្នកវិទ្យាសាស្ត្រនុយក្លេអ៊ែរអ៊ីរ៉ង់លោក Mohsen Fakhrizadeh នៅជិតរដ្ឋធានីតេអេរ៉ង់កាលពីថ្ងៃទី២៩ខែវិច្ឆិកា។
ប្រទេសអ៊ីរ៉ង់អះអាងថា លោក Fakhrizadeh ត្រូវបានសម្លាប់នៅក្នុងការធ្វើឃាតមួយដែលធ្វើឡើងដោយអ៊ីស្រាអែល៕
ប្រែសម្រួលដោយ៖ Vann Vann
ប្រភព៖ Daily Star
ចុចអាន៖ អ៊ីរ៉ង់ចោទថា អាមេរិករារាំងខ្លួនមិនឲ្យទិញវ៉ាក់សាំងកូវីដ
ចុចអាន៖ អ៊ីរ៉ង់ ចាប់ខ្លួនមនុស្សមួយចំនួនពាក់ព័ន្ធការធ្វើឃាតអ្នកវិទ្យាសាស្ត្រនុយក្លេអ៊ែរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ