ICC បើកការស៊ើបអង្កេតឧក្រិដ្ឋកម្មសង្គ្រាម ប្រឆាំងរុស្ស៊ី

កាលពីថ្ងៃពុធទី២ខែមីនា ប្រធានរដ្ឋអាជ្ញានៃតុលាការឧក្រិដ្ឋកម្មអន្តរជាតិ (ICC)​ បានប្រកាសថា លោកបានបើកការស៊ើបអង្កេតលើឧក្រិដ្ឋកម្មសង្គ្រាមប្រឆាំងប្រទេសរុស្ស៊ី អំឡុងការឈ្លានពានរបស់ខ្លួនលើអ៊ុយក្រែន។

លោក Karim Khan បានសរសេរថា “នៅក្នុងការពិនិត្យបឋមលើស្ថានភាពនៅអ៊ុយក្រែន ការិយាល័យរបស់ខ្ញុំបានរកឃើញមូលដ្ឋានសមហេតុផលរួចហើយ ដែលអាចជឿថា ឧក្រិដ្ឋកម្មនៅក្នុងដែនសមត្ថកិច្ចរបស់តុលាការត្រូវបានប្រព្រឹត្ត ហើយបានកំណត់ករណីដែលអាចទទួលយកបានទៀតផង”។

គួរបញ្ជាក់ថា ប្រធានរដ្ឋអាជ្ញាបាននិយាយកាលពីថ្ងៃចន្ទថា លោកមានបំណងស្វែងរកការអនុញ្ញាតពីប្រធានតុលាការដើម្បីបើកការស៊ើបអង្កេត ប៉ុន្តែអនុសាសន៍របស់ចក្រភពអង់គ្លេស និងប្រទេសចំនួន៣៨ផ្សេងទៀតទៅកាន់តុលាការមានន័យថា ឥឡូវនេះលោកមានបំណងបើកការស៊ើបអង្កេតភ្លាមៗ៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន បើកខ្សែទូរសព្ទ Hotline សម្រាប់និស្សិតបរទេស