ព័ត៌មានអន្ដរជាតិ

៣៨ប្រទេសបញ្ជូនរបាយការណ៍ការប្រព្រឹត្តរបស់រុស្ស៊ីលើអ៊ុយក្រែនទៅ ICC

បានផុស

៣ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

ចក្រភពអង់គ្លេស និងប្រទេស៣៧ផ្សេងទៀតបានបញ្ជូនរបាយការណ៍ជាផ្លូវការអំពីភាពឃោរឃៅដែលបានប្រព្រឹត្តរបស់រុស្ស៊ីនៅប្រទេសអ៊ុយក្រែនទៅតុលាការឧក្រិដ្ឋកម្មអន្តរជាតិ (ICC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្រោមច្បាប់តុលាការឧក្រិដ្ឋកម្មអន្តរជាតិ ការបញ្ជូនបែបនេះពីរដ្ឋជាសមាជិកមានន័យថា ព្រះរាជអាជ្ញាមិនចាំបាច់ទទួលបានការអនុម័តពីចៅក្រមរបស់ ICC ឡើយមុនពេលបើកការស៊ើបអង្កេត ដោយបង្កើតល្បឿនដំណើរការតែម្តង។

ការបញ្ជូនរបាយការណ៍របស់ប្រទេស៣៧រួមជាមួយនឹងចក្រភពអង់គ្លេសផងនោះ វាបានក្លាយជាការបញ្ជូនរបាយការណ៍ដ៏ធំផុតក្នុងប្រវត្តិសាស្ត្ររបស់តុលាការឧក្រិដ្ឋកម្មអន្តរជាតិ។

រដ្ឋលេខាធិការក្រសួងការបរទេសអង់គ្លេស លោកស្រី Liz Truss បាននិយាយក្នុងសេចក្តីប្រកាសមួយថា ៖«ម៉ាស៊ីនយោធារបស់លោកប្រធានាធិបតីរុស្ស៊ី វ្លាឌីមៀរ ពូទីន កំពុងមានគោលដៅលើជនស៊ីវិលដោយមិនរើសអើង និងហែកហួរតាមទីក្រុងនានាទូទាំងប្រទេសអ៊ុយក្រែន»។

លោកស្រីបន្តថា ៖«ការស៊ើបអង្កេតរបស់តុលាការឧក្រិដ្ឋកម្មអន្តរជាតិចំពោះអំពើព្រៃផ្សៃរបស់រុស្ស៊ីត្រូវការធ្វើជាបន្ទាន់ ហើយវាត្រឹមត្រូវដែលការឆ្លើយតបទាំងនោះត្រូវតែឲ្យទទួលខុសត្រូវ។ ចក្រភពអង់គ្លេសធ្វើការយ៉ាងដិតដល់ជាមួយសម្ព័ន្ធមិត្តដើម្បីធានាបាននូវយុត្តិធម៌»។

លោកស្រីបានសរសេរនៅលើបណ្តាញ Twitter របស់លោកស្រីថា រុស្ស៊ីកំពុងប្រើកម្លាំងមិនរើសអើងប្រឆាំងនឹងជនស៊ីវិលស្លូតត្រង់ និងឈ្លានពានលើអ៊ុយក្រែនទាំងខុសច្បាប់។ រដ្ឋបាលរបស់លោក ពូទីន ត្រូវតែទទួលខុសត្រូវ៕

ប្រែសម្រួល៖ វីរបុត្រ
ប្រភព៖ BBC