សហរដ្ឋអាមេរិកនឹងចាក់វ៉ាក់សាំងមន្ត្រីជាន់ខ្ពស់សេតវិមានមុនសាធារណជន

សហរដ្ឋអាមេរិកបាននិយាយថា មន្រ្តីជាន់ខ្ពស់នៃសេតវិមានគ្រោងនឹងទទួលបានវ៉ាក់សាំងការពារជំងឺកូវីដ១៩មួយចំនួនដំបូងគេនៅក្នុងសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាក់វ៉ាក់សាំងទាំងនោះដែលអាចចាប់ផ្តើមឆាប់ៗក្នុងសប្តាហ៍នេះ នឹងកើតឡើងខណៈពេលដែលវ៉ាក់សាំងមានបរិមាណផ្គត់ផ្គង់គ្រប់គ្រាន់ហើយចាក់ឲ្យបុគ្គលិកថែទាំសុខភាពដែលមានហានិភ័យខ្ពស់ជាមុនសិន។

កាសែត New York Times បានរាយការណ៍អំពីព័ត៌មាននៃការចាក់វ៉ាក់សាំងនៅសេតវិមាននេះមុនគេ។

ផ្នែកផ្សេងទៀតនៃរដ្ឋបាលរបស់លោក Trump នឹងត្រូវចាក់វ៉ាក់សាំងនៅប៉ុន្មានថ្ងៃខាងមុខ។

មន្ត្រីរដ្ឋបាលម្នាក់បាននិយាយថា អ្នកផ្តល់សេវាថែទាំសុខភាពនៅវិទ្យាស្ថានសុខភាពជាតិក៏នឹងចាប់ផ្តើមទទួលថ្នាំបង្ការនៅពេលខាងមុខនេះផងដែរ។ វេជ្ជបណ្ឌិតនិងគិលានុបដ្ឋាយិកាក្នុងផ្នែកសង្គ្រោះបន្ទាន់នៅមជ្ឈមណ្ឌលគ្លីនិក NIH នឹងត្រូវបានផ្តល់អាទិភាពក្នុងការទទួលថ្នាំបង្ការមុនគេ។

មន្ត្រីកំពូលៗផ្សេងទៀតដូចជាវេជ្ជបណ្ឌិត Anthony Fauci គឺស្ថិតក្នុងបញ្ជីដែលត្រូវចាក់វ៉ាក់សាំងបន្ទាប់ពីបុគ្គលិកទាំងនោះ៕

ប្រែសម្រួលដោយ៖ Vann Vann

ប្រភព៖ CNN