សាធារណរដ្ឋឆែក ត្រៀមបញ្ជូនកាំភ្លើងយន្ត រាប់រយដើម ទៅជួយ អ៊ុយក្រែន

សាធារណរដ្ឋឆែក គ្រោងនឹងបញ្ជូនសម្ភារៈយោធាបន្ថែមទៅអ៊ុយក្រែន ដើម្បីជួយប្រទេសនេះក្នុងការប្រយុទ្ធរបស់ខ្លួនប្រឆាំងនឹងរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់ជំនួយដែលមានទំហំទឹកប្រាក់៧៣០ ២៤៨ដុល្លារអាមេរិកនេះ រួមមានកាំភ្លើងយន្តរាប់រយដើម និងកាំភ្លើងវែង និងគ្រាប់កាំភ្លើងជាង ១០០ ០០០គ្រាប់។

ដោយឡែក នៅព្រឹកថ្ងៃសុក្រទី៤ខែមីនានេះ នាយករដ្ឋមន្រ្តីឆែកបានប្រកាសថា ជនជាតិឆែកទាំងអស់នឹងមានឱកាសចូលរួមជាមួយកងកម្លាំងការពាររបស់អ៊ុយក្រែន ដើម្បីប្រយុទ្ធប្រឆាំងនឹងការវាយលុករបស់រុស្ស៊ី ដោយមិនត្រូវបានដាក់ទណ្ឌកម្មនៅក្នុងប្រទេសកំណើតនោះទេ។

គួរបញ្ជាក់ថា នៅក្រោមច្បាប់ឆែក វាជារឿងខុសច្បាប់ បើប្រជាជនរូបណាចូលរួមជាមួយកងកម្លាំងប្រដាប់អាវុធបរទេស ដោយគ្មានការលើកលែងពីប្រធានាធិបតី ដែលជាអគ្គមេបញ្ជាការកងទ័ពរបស់ប្រទេស៕

ប្រែសម្រួល៖ Vann Vann

ប្រភព៖ SKY

ចុចអាន៖ ពូទីន ប្រកាសជោគជ័យក្នុងប្រតិបត្តិការ វាយលុកអ៊ុយក្រែន