​រោងចក្រ​នុយក្លេអ៊ែរ ​ធំជាងគេនៅ​អឺរ៉ុប​ រងការវាយប្រហារហើយ ពេលនេះកំពុងឆាបឆេះ

អគ្គិភ័យកំពុង​ឆាបឆេះ​រោងចក្រ​ថាមពល​នុយក្លេអ៊ែរ Zaporizhzhia ដែល​ធំជាងគេបំផុត ​នៅទ្វីប​អឺរ៉ុប។

យោងតាមអភិបាលក្រុង Enerhodar លោក Dmytro Orlov បានឲ្យដឹងថា អគ្គិភ័យនេះ ហាក់ដូចជាបង្កឡើងដោយការបាញ់ផ្លោងរបស់សត្រូវជាបន្តបន្ទាប់លើរោងចក្រ។

លោក Orlov ធ្លាប់បានរាយការណ៍អំពីការប្រយុទ្ធគ្នាយ៉ាងខ្លាំងក្លា រវាងកងកម្លាំងអ៊ុយក្រែន និងរុស្ស៊ីនៅជាយក្រុងរបស់គាត់ ដែលស្ថិតនៅភាគអាគ្នេយ៍។

ទាហានរុស្ស៊ី បានព្យាយាមចូលទៅក្នុងទីក្រុងនេះដោយរថក្រោះ និងរឹបអូសយករោងចក្រ ប៉ុន្តែប្រជាពលរដ្ឋ និងកម្មករ ត្រូវបានគេឃើញប្រមូលផ្តុំគ្នាជុំវិញរោងចក្រ និងផ្លូវជុំវិញនោះ កាលពីថ្ងៃពុធ។

គួរបញ្ជាក់ថា ប្រទេសអ៊ុយក្រែន មានរោងចក្រនុយក្លេអ៊ែរសកម្មចំនួន៤រួមទាំងរោងចក្រ Zaporizhzhia ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Zelenskyy សុំចរចាដោយផ្ទាល់ជាមួយលោក Putin តែបោះសម្តីចំអក យ៉ាងឡូយ!