ព័ត៌មានអន្ដរជាតិ

សភាចិនបើកកិច្ចប្រជុំប្រចាំឆ្នាំថ្ងៃនេះជាឆ្នាំគន្លឹះសម្រាប់លោក ស៊ី ជីនពីង

បានផុស

៣ years មុន

នៅ

ថ្ងៃសៅរ៍ ៥ មីនា ២០២២

ដោយ

គណៈប្រតិភូរាប់ពាន់នាក់នឹងជួបជុំគ្នាសម្រាប់កិច្ចប្រជុំសភាប្រចាំឆ្នាំរបស់ប្រទេសចិននាថ្ងៃសៅរ៍ ទី៥ ខែមីនានេះ ដែលមានរយៈពេលមួយសប្តាហ៍នៃសម័យប្រជុំដែលនឹងរៀបផែនការមេរបស់ថ្នាក់ដឹកនាំសម្រាប់ឆ្នាំខាងមុខ។

សមាជិកប្រហែលជា៣០០០នាក់នៃសភាប្រជាជនជាតិ (NPC) នឹងជួបជុំគ្នានៅមហាសាលនៃប្រជាជនក្នុងទីក្រុងប៉េកាំងដើម្បីស្តាប់មេដឹកនាំរបស់ប្រទេសអំពីសមិទ្ធផល និងអំណាចរបស់បក្សកុម្មុយនិស្ត។

វាក៏ជាសម័យប្រជុំពេញអង្គដ៏សំខាន់មួយសម្រាប់បក្សដើម្បីលើកឡើងលំអិតពីអាទិភាពរបស់ខ្លួន សេចក្តីរំពឹងសេដ្ឋកិច្ច និងគោលនយោបាយការបរទេសសម្រាប់រយៈពេលមួយឆ្នាំដែលលោកប្រធានាធិបតី ស៊ី ជីនពីង សង្ឃឹមពង្រឹងការកាន់អំណាចរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈពេលកិច្ចប្រជុំសភាប្រជាជនជាតិអាទិភាពបង្ហាញច្បាប់កម្រិតខ្ពស់ដូចជាច្បាប់សន្តិសុខជាតិដ៏តឹងរឹងលើទីក្រុងហុងកុង និងការច្រានចោលគោលនយោបាយកូនមួយរបស់ប្រទេសនោះ គ្មានគោលនយោបាយណាលេចធ្លោត្រូវបានរំពឹងឆ្នាំនេះទេ។

ភាគច្រើននៃរបៀបវារៈរបស់ NPC មិនត្រូវបានដឹងរហូតដល់កំឡុង ឬសូម្បីតែបន្ទាប់ពីកិច្ចប្រជុំ ដោយសារមានវគ្គប្រជុំជាច្រើនដែលនឹងត្រូវធ្វើដោយបិទទ្វារ។ សម្រាប់៣ឆ្នាំជាប់គ្នាហើយដែលកិច្ចប្រជុំធ្វើឡើងដោយមានការរឹតត្បិតដោយសារយុទ្ធសាស្ត្រគ្មានជំងឺកូវីដ-១៩។

យុទ្ធសាស្ត្រទប់ស្កាត់កូវីដមើលឃើញថា ប្រទេសនេះបានបិទព្រំដែនយ៉ាងទូលំទូលាយសម្រាប់រយៈពេលជិត២ឆ្នាំជាប់គ្នា និងគ្រប់គ្រងការផ្ទុះដោយមានបំរាមបិទខ្ទប់ តាមដានតាមរយៈកម្មវិធីទូរសព្ទដៃ (Apps) ការរឹតត្បិតធ្វើដំណើរ និងការធ្វើតេស្តទ្រង់ទ្រាយធំជាដើម។

អ្នកបង្កើតគោលការណ៍ត្រូវបានគេរំពឹងថា នឹងពិភាក្សាពីយុទ្ធសាស្ត្រសម្រាប់ការជំរុញចំនួនកំណើតកូន បន្ទាប់ពីភ័យខ្លាចនៃវិបត្តិប្រជាសាស្ត្រនៅពេលអត្រាកំណើតបានធ្លាក់ចុះដល់កម្រិតទាបជាប់កំណត់ត្រាកាលពីឆ្នាំមុន។

លោកនាយករដ្ឋមន្ត្រី Li Keqiang ក៏ត្រូវបានគេរំពឹងថា នឹងប្រកាសពីគោលដៅកំណើនសេដ្ឋកិច្ចរបស់ប្រទេសថ្ងៃសៅរ៍នេះដែលជាសុន្ទរកថាថ្នាក់ជាតិប្រចាំឆ្នាំរបស់លោក៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសចិន